Ikipe y’Igihugu y’Abagore ya Basketball yongeye gutsindwa n’iya Mali umukino wa kabiri wa gucuti amanota 91-79.

Sponsored Ad

Ni umukino wabaye mu ijoro ryo ku cyumweru tariki 11 Kanama 2024, wari umukino wa kabiri uhuje amakipe yombi, aho u Rwanda rwagiye kwitegurira muri Mali amajonjora y’Igikombe cy’Isi mu Bagore (FIBA Women’s Basketball World Cup 2026 Pre-Qualifying Tournaments), ateganyijwe kubera i Kigali kuva tariki 19 kugeza 25 Kanama 2024 muri BK Arena.

Mu mukino wambere u Rwanda rwatsinzwe na Mali amanita (90-87) ikinyuranyo cy’amanota atatu, mugihe ku mukino wa kabiri batsinzwe ku kinyuranyo cy’amanota 12.
Bitaganyijwe ko Ikipe y’Igihugu izagaruka mu Rwanda ku wa kabiri, tariki 13 Kanama, ikomeze kwitegura iyi mikino .
Muri iri rushanwa, u Rwanda ruhereye mu itsinda rya gatatu , aho ruri kumwe na Great Britain, Argentine ndetse na Lebanon.
Umukino wa mbere uteganyijwe tariki 19 Kanama 2024, u Rwanda ruzakina na Lebanon, uwa kabiri na Argentine, mu gihe ruzasoza rukina na Great Britain kuwa 22 Kanama 2024.