Ikipe y’igihugu ya Kenya y’abagore yatsinze Misiri amanota 99 kuri 83 ihita yegukana igikombe cy’amajonjora ya Zone V inabona itike yo kwerekeza muri Afrobasket y’abagore izabera mui Cameroon muri Nzeri uyu mwaka.
Kenya ifite abakinnyi bakomeye nka Victoria Reynolds n’abandi yigaranzuye Misiri yari yabatsinze mu mukino wa mbere ku kinyuranyo cy’inota rimwe hanyuma ku mukino wa nyuma w’uyu munsi iyitsinda ku manota 99-83.
Agace ka mbere karangiye Kenya itsinze 29 kuri 24 ya Misiri mu gihe agace (...)

Sponsored Ad

Ikipe y’igihugu ya Kenya y’abagore yatsinze Misiri amanota 99 kuri 83 ihita yegukana igikombe cy’amajonjora ya Zone V inabona itike yo kwerekeza muri Afrobasket y’abagore izabera mui Cameroon muri Nzeri uyu mwaka.

Kenya ifite abakinnyi bakomeye nka Victoria Reynolds n’abandi yigaranzuye Misiri yari yabatsinze mu mukino wa mbere ku kinyuranyo cy’inota rimwe hanyuma ku mukino wa nyuma w’uyu munsi iyitsinda ku manota 99-83.

Agace ka mbere karangiye Kenya itsinze 29 kuri 24 ya Misiri mu gihe agace ka kabiri karangiye nabwo itsinze 21-18 byatumye igice cya mbere kirangira ari 50 ya Kenya kuri 42 ya Misiri.

Agace ka 3 Kenya yagatsinze ku manota 77 kuri 69 ya Misiri mu gihe aka nyuma Kenya yagatsinze ku bwiganze bw’amanota byatumye itwara igikombe ku manota 99 kuri 83.

Umukinnyi witwaye neza kurusha abandi muri iri rushanwa ni Victoria Reynolds ukomoka muri Kenya yatwaye igikombe inabona itike.

Ikipe yu Rwanda y’Abagore mu mukino wa Basketball, yegukanye umwanya wa gatatu muri iyi mikino,nyuma yo gutsinda iya Sudani y’Epfo amanota 83 - 56.

Cameroun yabonye itike nk’igihugu kizakira irushanwa mu gihe ibindi bihugu byamaze kumenyekana ari ibyaje mu myanya ya mbere muri Afrobasket iheruka, ari byo Nigeria, Sénégal, Mali na Mozambique kongeraho Cap-Vert yabonye itike muri Zone II.