Mbere yo gukina n’Amavubi,ikipe ya Benin yatakaje abakinnyi babiri bakomeye yagombaga kugenderaho kuri uyu wa Kane,tariki ya 06 Kamena.

Sponsored Ad

Ababuze barimo Rutahizamu Andreas Hountondji wa Caen, uyu mwaka wari watijwe Rodez mu cyiciro cya 2 mu Bufaransa, agatsinda ibitego 14 na assists 4 mu mikino 36 ntazakina n’Amavubi kubera ikibazo cy’imvune.

Yiyongereye kuri myugariro Olivier Jacques Verdon wa Ludogorets Razgrad muri Bulgaria yatwaye igikombe cya shampiyona uyu mwaka.

Uyu myugariro yakinnye imikino 27 muri iyi kipe ye, atsinda n’ibitego 2.

Amavubi yaraye akoze imyitozo ya mbere muri Cote d’Ivoire aho yari afite abakinnyi 24.Umukinnyi umwe Jojea Kwizera niwe wenyine umutoza Frank Trosten ategereje.

Iyi myitozo yabereye kuri Lycée Notre Dame de Cocody.Kuri uyu wa Gatatu nibwo Amavubi akorera imyitozo kuri Stade azakiniraho.

Amavubi aracakirana na Benin kuri uyu wa kane saa 21H00 ku isaha ya Kigali, umukino urabera kuri stade yitiriwe Félix Houphouët-Boigny.

Iyi stade yubatswe mu w’i 1960, bakira All Africa Games. Yitiriwe Félix Houphouët Boigny mu w’i 1980. Ikaba yaragiye ivugururwa kenshi, inshuro ya nyuma ni umwaka ushize, bitegura kwakira AFCON.