Ikipe ya Pepiniere FC, bidasubirwaho yamaze gutangaza ko yikuye muri shampiyona y’ icyiciro cya mbere mu Rwanda, hasigaye gutanga ibaruwa isezera nayo yamaze gutegurwa, ni nyuma y’uko FERWAFA yangiye iyi kipe kwakirira ku kibuga cyayo cya Ruyenzi, ahubwo bakayitegeka kwakirira ku kibuga cya Kicukiro.
Mu minsi yashize nibwo ishyirahamwe ry’umupira w’amaguru mu Rwanda, ryatangarije iyi kipe ko itazongera kwakirira ku kibuga cya Ruyenzi kuko cyangiritse, nayo ibasubiza ko ni batahakirira imikino (...)

Sponsored Ad

Ikipe ya Pepiniere FC, bidasubirwaho yamaze gutangaza ko yikuye muri shampiyona y’ icyiciro cya mbere mu Rwanda, hasigaye gutanga ibaruwa isezera nayo yamaze gutegurwa, ni nyuma y’uko FERWAFA yangiye iyi kipe kwakirira ku kibuga cyayo cya Ruyenzi, ahubwo bakayitegeka kwakirira ku kibuga cya Kicukiro.

Mu minsi yashize nibwo ishyirahamwe ry’umupira w’amaguru mu Rwanda, ryatangarije iyi kipe ko itazongera kwakirira ku kibuga cya Ruyenzi kuko cyangiritse, nayo ibasubiza ko ni batahakirira imikino yabo bazahita bava muri shampiyona none birangiye bayivuyemo.

Perezida wa Pepiniere Munyankumburwa Jean Marie, aganira na Umuryango.rw, yavuze ko bafashe icyemezo cyo gusezera muri shampiyona kuko FERWAFA yanze kumva ubusabe bwayo.

Yagize ati "Ni byo FERWAFA ntacyo iradusubiza, nk’uko twabivuze mu gihe iki kibazo kitarakemuka nta mukino n’umwe tuzakina, n’uyu munsi ntidukina."

"Ni ihame twaraye tubiganiriyeho, twasanze tugomba gusezera, ntakindi cyatubuza,uyu munsi ibaruwa yacu turara tuyitanze yamaze no gutegurwa."

Uyu muyobozi akomeza avuga ko igisigaye ari uguhamagara abakinnyi n’abatoza bakabamenyesha ibyemezo byafashwe, ubundi bakabareka bakajya kwishakira amakipe, dore ko bari baranabasezereye kugeza igihe kitazwi.

Yagize ati "Nibyo twari twarabahaye ikiruhiko, igisigaye ni ukubahamagara tukabamenyesha ingamba zafashwe ubundi tukabareka bakajya kwishakira amakipe."

Munyankumburwa avuga kandi ko ubwo ku munsi w’ejo (tariki ya 29 Ukuboza 2016), akanama gashinzwe kugenzura ibibuga kasuye ikibuga cya Gicumbi ariko icya Ruyenzi ntibakigereho bigaragare ko n’ubundi FERWAFA itahaye agaciro ikibazo cyabo.

Yagize ati " nibyo ngo basuye ikibuga cya Gicumbi, twe hano ntabo twabonye. "

Perezida wa Pepiniere avuga ko babizi neza ko bizatera ikibazo, harimo kwamburwa amanota ku makipe yakinnye nayo, ubushomeri ku bakinnyi kandi bamwe bari banatunze imiryango, gusa ngo nabo ntakindi bakora.