skol
Kigali
Fortebet

Burundi: Ikipe y’abagore yari mu gikombe cya Afurika cya Volleyball mu Rwanda yaraye ku kibuga cy’indege

Imyidagaduro   Yanditswe na: Dusingizimana Remy 21 September 2021

Abagore 11 b’ikipe y’igihugu y’u Burundi mu mukino wa Volleyball n’umutoza wabo,baraye ku kibuga cy’indege cyitiriwe Melchior NDADAYE ndetse byageze saa yine batararekurwa.

Aba bagore bakaba baraye kuri iki kibuga cy’indege bagezemo ku munsi w’ejo wa mbere kubera ko batarashobora kurihirwa n’Ishyirahamwe ry’umukino wa Volleyball mu Burundi amafranga yo kwipimisha Covid-19.

Aba bakobwa bakigera ku kibuga cy’indege bababwiye ko aribo birihira amafaranga yo kwipimisha Covid-19 kandi urupapuro rubemerera kwitabira iryo rushanwa bafite rwanditseho ko ishyirahamwe ry’umukino wa Volleyball Mu Burundi ariryo ririha ayo mafaranga.

Iyi kipe yari ivuye kwitabira irushanwa ry’igikombe cy’Afurika rya Volleyball ryaberaga mu Rwanda ariko habuze ibihumbi 450 frw [amadolari 30 kuri umwe] yo kwipimisha Covid.

Ikipe ya Cameroun niyo yegukanye iki gikombe cya Afurika n’ubu Burundi bwitabiriye,nyuma yo gutsinda Kenya amaseti 3-1 (25-21, 25-23, 15-25, 25-23) ,aho hari ku nshuro ya gatatu yikurikiranya mu gihe Kenya yabaye iya 2.

Maroc yabaye iya gatatu itsinze Nigeria amaseti 3-0 (25-19, 25-17, 25-18). Yabiherukaga mu 1976 mu gihe mu 1987 yari yabaye iya kabiri.

Tunisia ni yo yabaye iya gatanu nyuma yo gutsinda Repubulika Iharanira Demokarasi ya Congo amaseti 3-0 (25-17, 25-11, 25-20).

U Burundi bwasoreje ku mwanya wa karindwi, Sénégal iba iya munani mu gihe u Rwanda rwasezerewe mu irushanwa rwasoreje ku mwanya wa cyenda cyane ko rwasezerewe mu irushanwa ruzira gukinisha abanya Brazil batari bafite ibyangombwa.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mushiki wa Cristiano Ronaldo yibasiye bikomeye Perezida wa Real...

Mushiki wa Cristiano Ronaldo, Katia Aveiro yibasiye perezida wa Real...
13 August 2022 0

Willian watengushye Arsenal yahungiye mu Bwongereza abafana bamubwiraga ko...

Uwahoze ari umukinnyi wa Chelsea na Arsenal, Willian yavuye mu ikipe ya...
13 August 2022 0

Patriots BBC yasubiriye REG BBC abafana bayita umugore, inasoza shampiyona...

Ni umukino wari ishiraniro cyane ko aya makipe asanzwe ahangana cyane kuva...
13 August 2022 0

Lionel Messi yabuze mu bahatanira Ballon d’Or bwa mbere kuva...

Ikinyamakuru France Football cyatangaje abakinnyi 30 bahatanira Ballon d’or...
12 August 2022 0

"Turashaka kubaka ikipe igera muri Afurika hose bagatitira"-Perezida wa AS...

Ikipe ya AS Kigali yakoze ikiganiro n’abanyamakuru cyagarutse ku migabo...
12 August 2022 0

UEFA yatangaje abakinnyi 3 bazatorwamo uwahize abandi mu mwaka...

Ishyirahamwe ry’umuira w’amaguru ku mugabane w’i Burayi ryamaze gutangaza...
12 August 2022 1