Ambasaderi w’u Rwanda mu Bwongereza, Johnston Busingye yagaragaje agahinda yatewe n’isezererwa ry’ibihugu bya Commonwealth mu gikombe cy’isi cya 2022 kiri kubera muri Qatar mu gihe Umunyamabanga mukuru wa OIF,Louise Mushikiwabo we yabyiniraga ku rukoma kubera Maroc n’Ubufaransa bageze 1/2.
Abinyujije kur Twitter,Umunyamabanga Mukuru w’Umuryango w’Ibihugu bikoresha Ururimi rw’Igifaransa (OIF), Louise Mushikiwabo, yateye urwenya asaba akaruhuko, kuko ibihugu binyamuryango byari bimaze kugera (…)

Ambasaderi w’u Rwanda mu Bwongereza, Johnston Busingye yagaragaje agahinda yatewe n’isezererwa ry’ibihugu bya Commonwealth mu gikombe cy’isi cya 2022 kiri kubera muri Qatar mu gihe Umunyamabanga mukuru wa OIF,Louise Mushikiwabo we yabyiniraga ku rukoma kubera Maroc n’Ubufaransa bageze 1/2.

Abinyujije kur Twitter,Umunyamabanga Mukuru w’Umuryango w’Ibihugu bikoresha Ururimi rw’Igifaransa (OIF), Louise Mushikiwabo, yateye urwenya asaba akaruhuko, kuko ibihugu binyamuryango byari bimaze kugera 1/2.

Yagize ati "Nuko nuko #Maroc na #France, ibihugu bya @OIFrancophonie!! Abachou mukurikira #Qatar2022 mwiriwe neza! Ibintu birakomeye pee! Ibihugu 2 byacu bimaze gutsinda, bizahurira muri demi-finale ku wa gatatu!! Ni danger. Murumva ntafata akanini ko gusinzira ngakanguka umupira urangiye?."

Nyuma y’ubu butumwa,Busingye Johnston yandikiye Mushikiwabo kuri uru rubuga amugaragariza ko we atishimye kubera ibyabaye ku gihugu cy’Ubwongereza.

Yagize ati “Mwareka ariko #Mushikiwabachou! Ibihugu byacu bya #Commonwealth mwabitsinze umugenda maze ejo mubyigirizaho nkana! Iriya penaliti yarigitiye he koko? Gutahana ubukonje mu mbeho iri hano ntabwo ari feeling na gato! Nimwimirire ibinini, twe twisubiriye mu buzima busanzwe. N’aha #2026’’

U Bufaransa bufite Igikombe cy’Isi cya 2018 bwatsinze u Bwongereza ibitego 2-1. Ni umukino wabaye nyuma y’uko Maroc yari imaze gukuramo Portugal ya Cristiano Ronaldo iyitsinze igitego 1-0.