Kuri uyu wa mbere taliki ya 11 Ukuboza 2017 nibwo ku cyicaro cya UEFA giherereye I Nyon mu Busuwisi harabera Tombola y’uko amakipe azahura mu mikino ya 1/8 cy’irangiza muri iyi mikino nyuma y’iminsi amakipe akinira mu matsinda. Ikintu cya mbere wamenya ni uko mu makipe 5 ahagarariye Ubwongereza,4 yabashije kuyobora amatsinda uretse Chelsea yabaye iya kabiri nubwo ariyo yatwaye igikombe cya shampiyona mu mwaka w’imikino ushize. Ikipe ya Chelsea ifite amahirwe menshi yo gutombola ikipe (…)

Kuri uyu wa mbere taliki ya 11 Ukuboza 2017 nibwo ku cyicaro cya UEFA giherereye I Nyon mu Busuwisi harabera Tombola y’uko amakipe azahura mu mikino ya 1/8 cy’irangiza muri iyi mikino nyuma y’iminsi amakipe akinira mu matsinda.

Ikintu cya mbere wamenya ni uko mu makipe 5 ahagarariye Ubwongereza,4 yabashije kuyobora amatsinda uretse Chelsea yabaye iya kabiri nubwo ariyo yatwaye igikombe cya shampiyona mu mwaka w’imikino ushize.

Ikipe ya Chelsea ifite amahirwe menshi yo gutombola ikipe ikomeye kuko iratombola amakipe 3 gusa FC Barcelona PSG na Beskitas.

Uko udukangara duteye:
Agakangara ka mbere: Manchester United, Paris Saint-Germain, Roma, Barcelona, Liverpool, Manchester City, Besiktas, Tottenham.

Agakangara ka kabiri : Basel, Bayern Munich, Chelsea, Juventus, Sevilla, Shakhtar Donetsk, FC Porto, Real Madrid.

Mu mabwiriza agenga iyi Tombola,ni uko amakipe aturuka mu gihugu kimwe atatomborana ndetse n’ayahuriye mu mikino y’amatsinda.Amakipe yo mu gakangara ka mbere atomborwa n’ayo mu ka 2.

Amakipe ashobora gutomborana n’ayo mu Bwongereza:
Manchester United: Bayern Munich, Juventus , Sevilla , Shakhtar Donestk , Porto na Real Madrid .

Chelsea: Barcelona,PSG na Beskitas
Liverpool: Basel, Bayern Munich, Juventus, Shakhtar Donetsk,FC Porto na Real Madrid.

Manchester City: Basel, Bayern Munich, Juventus, Sevilla, Porto, Real Madrid.
Tottenham: Bayern Munich,Juventus , Sevilla , Shakhtar Donetsk na Porto.

Amataliki imikino izaberaho:
13/14 & 20/21 Gashyantare 2018:imikino ibanza ya 1/8
6/7 & 13/14 Werurwe 2018: Imikino yo kwishyura ya 1/8
16 Werurwe 2018: Tombola ya 1/4
3/4 Mata 2018:Imikino ibanza ya 1/4
10/11 Mata 2018: imikino yo kwishyura ya 1/4
13 Mata 2018: Tombola ya 1/2
24/25 Mata 2018l: imikino ibanza ya 1/2
1/2 Gicurasi 2018:Imikino yo kwishyura ya 1/2

26 Gicurasi 2018: umukino wa nyuma uzabera kuri stade ya NSK Olimpiyski, i Kyiv muri Ukraine.

Tombola ya UEFA Champions League iraba ku i saa saba zuzuye aho irakurikirwa n’iya UEFA Europa League yo iratangira saa munani.