Impuzamashyirahamwe y’umupira w’amaguru muri Afurika,CAF, yongereye 40% ku mafaranga yahembwe amakipe mu gikombe cya Afurika [AFCON] giheruka,aho igihugu kizayegukana kizegukana akayabo.

Mbere y’uko igikombe cy’Afurika kizabera muri Côte d’Ivoire gitangira,CAF yongereye amafaranga azahembwa amakipe azitwara neza.

Uko amakipe azahembwa mu madolari ya Amerika:

▪️Ikipe izatwara igikombe: 7 000 000 USD
▪️Ikipe izaba iya 2 : 4 000 000 USD
▪️Ikipe ya 3 & 4 : 2 500 000 USD
▪️Amakipe 8 azagera muri 1/4 : 1 300 000 USD.

Perezida wa CAF Dr Patrice Motsepe, yagize ati: “CAF yateye intambwe igaragara mu myaka ibiri ishize mu kongera amafaranga y’ibihembo bya AFCON n’andi marushanwa yose akomeye.

Twongereye amafaranga y’igihembo k’uwatwaye AFCON agera kuri 7 000 000 z’amadolari ya Amerika, n’ukuvuga inyongera ya 40% ku mafaranga yahembwe uwatwaye AFCON iheruka.

Nizeye ko kuzamura amafaranga y’ibihembo bizagira uruhare mu guteza imbere umupira w’amaguru kandi bikanagirira akamaro abafatanyabikorwa bose mu mupira w’amaguru, ndetse no gufasha abanyamuryango b’amashyirahamwe yacu n’ubuyobozi bwayo. ”

Igikombe cya Afurika kiratangira kuri uyu wa 13 Mutarama gisozwe kuwa 11 Gshyantare 2024 aho ibihugu 24 byose bikomeje gukaza imyitozo.

Umukino ufungura uzahuza Cote d’Ivoire na Guinea-Bissau kuri Alassane Ouattara Olympic Stadium iri ahitwa Ebimpe mu mujyi wa Abidjan.

Uko imikino ya AFCON 2024 ipanze:

https://www.cafonline.com/media/xltgcxmv/totalenergies_caf_africa_cup_of_nations_match_schedule_23.pdf