Umunya Ecuador,Moises Caicedo yashimangiye ko "bitari gushoboka" kuterekeza muri Chelsea - nubwo Liverpool yatanze akayabo ku munsi wa nyuma hafi yo kumwegukana.

Uyu mukinnyi uhenze cyane mu Bwongereza yigeze ahangana kuva miliyoni 115 zama pound avuye muri Brighton.

Umutoza wa Liverpool, Jurgen Klopp,aherutse gutangaza ko yagize "amahirwe" kuba abakinnyi bakina hagati mu kibuga yashakaga baranze kuza mu mpeshyi,kuko n’ubundi aho bari batameze neza.

Klopp yemeye kwishyura Caicedo miliyoni 105 birangira uyu mukinnyi yanze kwerekeza muri Liverpool nubwo Brighton yakiniraga yari yemeye amafaranga.

Hanyuma yahise yimukira kuri Romeo Lavia yashakaga gutangaho asaga miliyoni 60 z’amapawundi ariko uyu nawe ntarakina na rimwe kubera imvune.

Ariko Caicedo avuga ko Liverpool itigeze igira amahirwe yo kumusinyisha kuko yatinze kumwegera.

Uyu mukinnyi w’imyaka 22, yabwiye Sky Sports ati: "Ntabwo byari gushoboka guhakanira Chelsea, kuko babanye nanjye,baranshigikiye.

Mu minsi ya nyuma Liverpool yarampamagaye ariko yari yakererewe kuko nashakaga gukinira Chelsea."

Brighton yemeye kugurisha Caicedo muri Liverpool ariko ku munota wa nyuma uyu mukinnyi avuga ko atayerekezamo ahubwo ashaka Chelsea.

Uyu mukinnyi ntabwo arabasha kwigarurira imitima y’abafana ba Chelsea mu mezi asaga 6 ayimazemo.