Umukinnyi wo hagati Moises Caicedo yatangaje ko Enzo Fernandez yamwinginze ngo yinjire muri Chelsea mu cyi.

Uyu mukinnyi wo hagati yari afite ikibazo cy’amhitamo y’aho yerekeza cyane ko hari intambara y’amakipe menshi yo muri Premier League yamwifuzaga.

Ikipe ya Manchester United na Arsenal nizo zabanje kumwifuza mbere y’uko Liverpool itanga miliyoni 111 z’ama pound zemewe na Brighton.

Umutoza Jurgen Klopp yemeje ko amasezerano hagati y’impande zombi yumvikanweho, gusa hasigara icyemezo cya Caicedo wanze kuyerekezamo yigira muri Chelsea.

Amaherezo The Blues yaciye agahigo mu Bwongereza yishyura miliyoni 115 z’ama pound kuri Caicedo.

Fernandez aganira n’urubuga rwa Chelsea, yagize ati: "Naramuhamagaye mubwira ko agomba kwemera akaza kuko Chelsea ari ikipe ikomeye kandi ihatana.

Nkwiye gushima Imana yampaye amahirwe yo gukinana nawe muri Chelsea kuko twese tuzi ukuntu ari umukinnyi ukomeye ariko ni n’umuntu mwiza.Ndashimira ko yaje muri Chelsea.

Ikipe ya Chelsea yaguze uyu munya Argentine watwaye igikombe cy’isi, Fernandez kuri miliyoni 107 z’amapawundi mu kwezi kwa mbere uyu mwaka.

Aganira na Fernandez, Caicedo yabyemeje agira ati: "Cyari ikiganiro cyiza.Ndavuga kuba umukinnyi watwaye igikombe cy’isi yaguhamagara,umwe mu bakinnyi bo hagati beza ku isi......Kwitaba iyo telefoni byari byiza kandi yanyemeje kuza hano."

Conor Gallagher, Caicedo na Fernandez nibo basigaye bakina hagati mu kibuga muri Chelsea basimbuye N’Golo Kante, Mateo Kovacic na Jorginho bagiye uyu mwaka.