Kuri uyu wa Kabiri,tariki ya 06 Nzeri 2022,haratangira imikino yo mu matsinda ya Champions League 2022/2023 aho ikipe ya Real Madrid ifite igikombe giheruka ikina na Celtic.
Umutoza Carlo Ancelotti yizera ko Real Madrid ifite icyo ibisabwa byose kugira ngo ihangane n’amakipe ahabwa amahirwe yo gutwara igikombe cya Champions League uyu mwkaa.
Ku buyobozi bw’uyu Mutaliyani, Los Blancos yitwaye neza mu mwaka w’imikino ushize igera ku mukino wa nyuma wa UEFA Champions League ihatsindira (…)

Kuri uyu wa Kabiri,tariki ya 06 Nzeri 2022,haratangira imikino yo mu matsinda ya Champions League 2022/2023 aho ikipe ya Real Madrid ifite igikombe giheruka ikina na Celtic.

Umutoza Carlo Ancelotti yizera ko Real Madrid ifite icyo ibisabwa byose kugira ngo ihangane n’amakipe ahabwa amahirwe yo gutwara igikombe cya Champions League uyu mwkaa.

Ku buyobozi bw’uyu Mutaliyani, Los Blancos yitwaye neza mu mwaka w’imikino ushize igera ku mukino wa nyuma wa UEFA Champions League ihatsindira Liverpool igitego 1-0.

Muri uyu mukino wabereye I Paris,Real Madrid yakinnye yugarira birangira yegukanye igikombe cya 14 cya Champions League.

Ancelotti yabwiye Itangazamakuru ati: "Ni ikimenyetso cyiza ko Real Madrid itari mu makipe ahabwa amahirwe yo kwegukana Champions League".

Kubera ko umwaka ushize twahabwaga amahirwe make mu mibare. Uyu mwaka twariyubatse cyane. Ndatekereza ko bizagenda nk’uko byagenze umwaka ushize.

Tugiye guhatana kugeza ku mperuka. Twizere ko dushobora kugera ku mukino wa nyuma.

Muri iri rushanwa tuzahora twubahwa, kuko amateka avugira iyi kipe.

"Twatangiye [umwaka w’imikino] twishimye cyane, ariko ntidushobora gutekereza kure cyane mbere y’itsinda.Tuzareba uko bizagenda nyuma y’igikombe cy’isi."

Real Madrid yatomboye itsinda F ririmo Celtic, RB Leipzig na Shakhtar Donetsk, ariko Ancelotti yemera ko nta tsinda ryoroshye muri Champions League.

ati: "Ntabwo ari itsinda ryoroshye, tuzi amakipe yose neza.

Celtic yitwaye neza kandi tugomba kububaha, kimwe n’andi makipe abiri, Leipzig na Shakhtar.

Ancelotti yatangaje ko ahangayikishijwe n’abakinnyi be mpuzamahanga nyuma y’igikombe cy’isi 2022, kizatangira mu Gushyingo.

Ancelotti yagize ati: "Kugeza ku gikombe cy’isi, nta kibazo tuzagira."