skol
fortebet

Carlo Ancelotti yahishuye ibanga rituma Real Madrid ikora ibisa n’ibidashoboka

Yanditswe: Thursday 05, May 2022

featured-image

Sponsored Ad

Kuva kera kose ikipe ya Real Madrid izwiho gukora ibidasanzwe mu irushanwa rya UEFA Champions League aho ituruka no mu manga ikigaranzura ikipe yari igiye kuyiroha ikayitsinda.
Mu ijoro ryakeye ubwo yakinaga umukino wo kwishyura wa 1/2 cya UEFA Champions League,yageze ku munota wa 90 w’umukino, City iri imbere yayo ho ibitego bibiri ku giteranyo cy’imikino yombi, nyuma yuko Riyad Mahrez yari yayitsindiye igitego ku munota wa 73, cyiyongera ku bitego 4-3 City yari yatsinze Real mu mukino (...)

Sponsored Ad

Kuva kera kose ikipe ya Real Madrid izwiho gukora ibidasanzwe mu irushanwa rya UEFA Champions League aho ituruka no mu manga ikigaranzura ikipe yari igiye kuyiroha ikayitsinda.

Mu ijoro ryakeye ubwo yakinaga umukino wo kwishyura wa 1/2 cya UEFA Champions League,yageze ku munota wa 90 w’umukino, City iri imbere yayo ho ibitego bibiri ku giteranyo cy’imikino yombi, nyuma yuko Riyad Mahrez yari yayitsindiye igitego ku munota wa 73, cyiyongera ku bitego 4-3 City yari yatsinze Real mu mukino ubanza mu cyumweru gishize.

Rodrygo ukomoka muri Brazil, w’imyaka 21, winjiye mu kibuga asimbuye, yinjije igitego ku mupira yari ahawe na Karim Benzema mu munota wa nyuma ku gihe gisanzwe cy’umukino - ni ryo shoti rya mbere Real yari iteye mu izamu muri uwo mukino wo mu ijoro ryo ku wa gatatu.

Bidatinze nyuma y’amasegonda 90,Rodrygo yatsinze igitego cya 2 cya Real Madrid n’umutwe ku mupira wari uvuye kwa Dani Carvajal bituma aya makipe anganya igiteranyo cy’ibitego yerekeza mu minota wa 30 y’inyongera yahiriye Real Madrid kuko yabonyemo penaliti yatewe neza na Karim Benzema.

Nyuma y’umukino wo ku wa gatatu, umutoza wa Real Madrid, Carlo Ancelotti,wabaye umutoza wa mbere ugeze ku mikino ya nyuma itanu ya Champions League, yagize ati:

"Sinshobora kuvuga ko tumenyereye kubaho ubuzima nk’ubu, ariko ibyabaye iri joro byabaye ku mukino na Chelsea no ku mukino na Paris [Saint-Germain]".

"Ugombye kuvuga impamvu yabyo, ni amateka y’iyi kipe adufasha gukomeza guhatana n’iyo biba bisa nkaho ibyacu byarangiye".

Rodrygo, watumye Real inganya na City ku giteranyo cy’ibitego 5-5, yagize ati: "Twari turimo dutakaza umukino, twari twapfuye kandi ibyabaye byabaye.

"Hamwe n’uyu mupira [umwambaro], twiga buri gihe guhora turwana kugeza ku musozo. Ni nkaho twari twapfuye ariko hamwe n’igitego cyanjye cya mbere twatangiye kwizera".

Ibyo byatumye hagiye kwisubiramo umukino wa nyuma wa Champions League wo mu myaka ya vuba aha ishize, ubwo Real yatsindaga Liverpool ibitego 3-1 mu mwaka wa 2018.

Ku mutoza wa City Pep Guardiola, ubu igikombe cya Premier League ni cyo yerekejeho amaso - aho ikipe ye irusha inota Liverpool iyikurikiye ku mwanya wa kabiri, mu gihe hasigaye imikino ine ngo shampiyona irangire.

Avuga ku gutsindwa na Real, yagize ati: "Birakomeye kuri twe, sinabihakana".

Yabwiye igitangazamakuru BT Sport ati: "Ntitwakinnye neza cyane uko dushoboye, ariko ni ibisanzwe, [muri] kimwe cya kabiri, abakinnyi bumva igitutu no gushaka kubikora. Iby’umupira w’amaguru ntumenya uko bigenda, ni umukino nk’uyu [ubiboneraho]. Tugomba kubyemera.

"Twari turi hafi cyane y’umukino wa nyuma wa Champions League.

"Ubu ducyeneye kubyakira [ibyabaye] tukabivamo, hamwe n’abantu bacu iwacu ndetse no mu mikino ine ya nyuma [isigaye] dufite".

BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa