Shangai Shenhua, yo mu bushinwa ibarizwa muri shampiyona ya Chinese Super League, yamaze gusinyisha Carlos Tevez, ikazajya imuhemba ibihumbi 615 by’Amapawundi ku cyumweru.
Ni amafaranga aruta ayo Pogba na Rooney bahembwa mu cyumweru uyateranyije nk’abakinnyi bahembwa menshi muri shampiyona y’u Bwongereza Tevez yakinnyemo igihe kirerkire.
Mu gitondo cyo kuri uyu wa kane tariki ya 29 Ukuboza 2016, nibwo ikipe ya Shangai Shenhua yatanaje ko yamaze gusinyisha uyu mugabo w’umunya Argentine, (...)

Sponsored Ad

Shangai Shenhua, yo mu bushinwa ibarizwa muri shampiyona ya Chinese Super League, yamaze gusinyisha Carlos Tevez, ikazajya imuhemba ibihumbi 615 by’Amapawundi ku cyumweru.

Ni amafaranga aruta ayo Pogba na Rooney bahembwa mu cyumweru uyateranyije nk’abakinnyi bahembwa menshi muri shampiyona y’u Bwongereza Tevez yakinnyemo igihe kirerkire.

Mu gitondo cyo kuri uyu wa kane tariki ya 29 Ukuboza 2016, nibwo ikipe ya Shangai Shenhua yatanaje ko yamaze gusinyisha uyu mugabo w’umunya Argentine, waciye mu makipe nka Juventus yo mu Butaliyani, Manchester United, Manchester City na west Ham United zo mu Bwongereza.

Yabaye umukinnyi uzajya uhembwa agatubutse kurusha abandi bakinnyi ba ruhago ku isi. Ni nyuma yaho asinyiye ikipe ya Shangai Shenhua yo muri China ku mushahara w’ibihumbi 615 by’Amapawundi ku cyumweru.

Aya mafaranga ni menshi cyane, kuko ufashe abakinnyi bahembwa menshi muri shampiyona y’u Bwongereza, ari bo Paul Pogba na Wayne Rooney ugateranya umushahara wa bo ku cyumweru uzasigarana andi yahemba umukinnyi wa Leicester City.

Pogba ahembwa ibihumbi 290 by’Amapawundi ku cyumweru. Rooney agafata 260 nawe by’Amapawundi ku cyumweru. Ni ukuvuga ko bose hamwe bahembwa ibihumbi 550 by’Amapawundi ku cyumweru. Mu gihe Tevez wenyine azajya afata 615,000 by’Amapawundi ku cyumweru, bivuze ko harimo ikinyuranyo cy’ibihumbi 65 by’amapawundi.

Ku myaka ye 32 y’amavuko, Tevez amaze gukinira amakipe yanyuzemo imikino igera kuri 574, atsindamo ibitego 257, harimo Boca Juniors, Corinthians, West Ham United, Machester United, Machseter City na Juventus , naho mu ikipe y’igihugu ya Argentine yayikiniye imikino 76 ayitsindira ibitego 13.