Cassa Mbungo André yagizwe Umutoza Mukuru wa Jamus FC yo muri Sudani y’Epfo imaze iminsi mu Rwanda, aho yitegurira umwaka w’imikino wa 2024-2025

Sponsored Ad

Uyu mutoza yashyize umukono ku masezerano y’umwaka umwe kuri uyu wa gatanu tariki 9 Kanama 2024. Nyuma yo gutandukana na AS Kigali ,Cassa Mbungo André yari amaze igihe ntakazi afite kuva mu Gushyingo 2023.

Cassa Mbungo yatoje amakipe atandukanye arimo AS Kigali, Kiyovu Sports, Police FC, Rayon Sports, Gasogi United ndetse yatoje muri Kenya ikipe ya AFC Leopards na Bandari FC.

Jamus FC imaze iminsi mu Rwanda aho iri kwitegura imikinyo ny’Afurika na shampiyona , yakinnye imikino itatu ya gicuti harimo uwo yatsinzwemo na Gasogi United igitego 1-0 n’uwo yatsinzemo na Bugesera FC igitego 1-0 , yasoje ikina na Rayon Sports aho yatsinzwe ibitego 3-0

Mu ijonjora rya mbere rya CAF Confederations Cup Jamus FC izahura Stade Tunisien yo muri Tunisia.