Ikipe ya Celtic yo muri Scotland yaciwe akayabo k’amadolari 19,000 kubera ko abafana bayo bazamuye ibendera rya Palestine,mu kwifatanya nayo mu ntambara yagabweho na Israel.

Benshi baribaza impamvu iyi Celtic yahanwe nyamaraamakipe yo mu bwongereza n’abakinnyi barasabwe kugaragaza ibendera rya Ukraine muri Stade.

Abantu barenga 13,000 birenga bamaze kwicwa mu byumweru 5 muri Palestine ariko ntabwo bo bahabwa agaciro nkuko isi yabigenje kuri Ukraine ubwo yaterwaga n’Uburusiya.

Abafana ba Celtic bakoze kiriya gikorwa mu mukino wa UEFA Champions League bari bakinnye na Atletico Madrid.

Abayobozi b’ikipe bari basabye abafana kuza bambaye ku maboko utuntu tw’umukara two kwibuka abapfuye muri Israel na Palestine ariko bo baje bitwaje amabendera menshi ya Palestina.