skol
Kigali

Chelsea FC itewe ubwoba n’igihano gikarishye ishobora gufatirwa

Imyidagaduro   Yanditswe na: Dusingizimana Remy 13 March 2022

N’ubwo leta y’Ubwongereza yafatiye ibihano Umuherwe w’Umurusiya,Roman Abramovich,nyiri ikipe ya Chelsea ariko iyi kipe ifite ubwoba ko itazashobora kwishyura ingaruka. Iyi kipe kandi itinya ko ishobora guhabwa igihano cyo gukurwaho amanota icyenda.


Chelsea iracyafite ikibazo cyo kumenya ahazaza. Nk’uko ibitangazamakuru byo mu Bwongereza bibitangaza ngo nubwo ibihano byorohejwe, iyi kipe yo mu mujyi wa London iratinya ko ishobora gufatirwa ibihano birenze.

Hagati aho, Chelsea iratinya igihano cyo gukurwaho amanota icyenda igihe impinduka zitakorwa vuba.Hari impungenge zijyanye no kwishyura abakinnyi mu kwezi gutaha nkuko ibinyamakuru byo mu Bwongereza bibitangaza.

Ubu The Blues yinjiza gusa amafaranga ikuye mu burenganzira bwo kwerekana imikino ya Premier League yishyurwa n’ama TV,hamwe n’amafaranga iri guhabwa na UEFA na FA kuko iri guhatana muri ibyo bikombe.

Hyundai yatandukanye na Chelsea

Kuri uyu wa gatandatu, Chelsea yarekuwe n’uruganda rwa Hyundai, umuterankunga mukuru wagaragaraga ku ishati y’iyi kipe ku kubuko.

Uru ruganda rw’imodoka rwatangaje ruti: "Kubera ibiri kuba muri iki gihe, twafashe icyemezo cyo guhagarika ibikorwa byacu byo kwamamaza no gukorana na Chelsea kugeza twongeye kubimenyeshwa."

Icyo cyemezo kimaze gufatwa n’ibigo Bitatu birimo "Three,Hyundai na Nike" hakimara gutangazwa ibihano byafatiwe Abramovich.

Nubwo habayeho koroshya ibihano,Chelsea ishobora gukoresha agera ku mapawundi 900.000 ku mafaranga yo ku mikino (n’ukuvuga amafaranga arenga miliyoni imwe y’amayero), ugereranije na 500.000 by’amapawundi(hafi 600.000 €) yakoreshaga mbere.

Ibiciro by’urugendo ku mikino yo hanze birakomeza kugarukira ku 20.000 by’amapawundi (hafi 24,000 euro). Ku rundi ruhande, Chelsea ntishobora kugurisha amatike mu mikino itaha uretse abaguze ay’umwaka wose. Iyi ni inkuru mbi cyane kuri iyi kipe, ishobora gutanga ingwate y’amafaranga izagurishwa kugira ngo ikomeze kubaho.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 1

Rwarutabura ufana Rayon Sports yakoze impanuka atabarwa ku isonga n’abafana...

Rwarutabura uzwi cyane nk’umufana Ukomeye wa Rayon Sports yakoze impanuka...
18 May 2022 0