Nyuma y’imikino myinshi ibitego byarabuze,ikipe ya Chelsea yitwaye neza mu ijoro rya Champions League isezerera Borussia Dortmund iyitsinze ibitegi 2-0 mu mukino wo kwishyura cyane ko mu mukino ubanza iyi kipe yo mu Budage yari yatsinze igitego 1-0.
Graham Potter n’abasore be bagaragaje ko batangiye kugaruka mu bihe byiza nyuma yo kuyobora umukino cyane ndetse bakawutsinda ibitego 2-0 imbere y’abafana babo kuri Stamford Bridge.
Nyuma yo gutsindwa igitego 1-0 cya Adeyemi mu mukino (…)

Nyuma y’imikino myinshi ibitego byarabuze,ikipe ya Chelsea yitwaye neza mu ijoro rya Champions League isezerera Borussia Dortmund iyitsinze ibitegi 2-0 mu mukino wo kwishyura cyane ko mu mukino ubanza iyi kipe yo mu Budage yari yatsinze igitego 1-0.

Graham Potter n’abasore be bagaragaje ko batangiye kugaruka mu bihe byiza nyuma yo kuyobora umukino cyane ndetse bakawutsinda ibitego 2-0 imbere y’abafana babo kuri Stamford Bridge.

Nyuma yo gutsindwa igitego 1-0 cya Adeyemi mu mukino ubanza,Chelsea yasabwaga ibitego 2-0 mu mukino wo kwishyura ari nabyo yakoze ikomeza muri 1/4 cy’irangiza yemye.

Chelsea yafunguye amazamu ku munota wa 43 ku gitego cyatsinzwe na Raheem Sterling hanyuma Kai Havertz atsinda icya kabiri ku munota wa 53 kuri penaliti yabonetse biturutse kuri myugariro wa Dortmund,Marius Wolf, wagaruye umupira n’akaboko.

Uyu mukino wakereweho iminota 10 kubera ko imodoka yari itwaye abakinnyi ba Dortmund yatezwe n’abafana ikabura uko itambuka ngo igere kuri stade ya Chelsea.

Umukino watangiye Chelsea yari ku gitutu isatira cyane ndetse ihusha amahirwe menshi arimo aya Kai Havertz wakubise igiti cy’izamu,umupira myugariro Koulibaly yananiwe gutsinda asigaranye n’izamu,igitego cya Havertz cyanzwe ndetse na James wabonye umupira mwiza mu rubuga rw’amahina ananirwa kuwutera mu izamu.

Ku ruhande rwa Dortmund,yabonye amahirwe akomeye kuri free Kick Marco Reus yateye hanyuma umunyezamu Kepa akuramo umupira wari warenze urukuta.

Nyuma y’umukino umutoza Potter yagize ati "Abakinnyi n’abafana babaye beza cyane.Twari duhanganye n’ikipe yari imeze neza.Mu mikino yombi numvaga ko dukwiye gukomeza.Ryari ijoro ridasanzwe."

Indi kipe yakomeje ni Benfica Lisbon yanyagiye ibitego 5-1 Club Brugge byiyongera kuri 2-0 yari yayitsinze biba 7-1 mu mikino yombi.