skol
Kigali
Fortebet

Chelsea FC na FC Barcelona zaguze abakinnyi bakomeye zifuzaga cyane

Imyidagaduro   Yanditswe na: Dusingizimana Remy 13 July 2022

Ikipe ya Chelsea yamaze kubona umukinnyi Raheem Sterling wakinaga muri Manchester City mu gihe FC Barcelona nayo yatangaje ko yamaze kubona umunya Brazil,Raphinha yari imaze iminsi yirukaho.

Abinyujije mu butumwa burebure, Raheem Sterling yasezeye ku bakunzi ba Man City nubwo atigeze ashimangira ko azakinira Chelsea mu mwaka utaha w’imikino.

Amakuru y’ukuri ahari nuko uyu mukinnyi yamaze kumvikana na Chelsea ndetse biteganyijwe ko amasezerano azayisinyira azarangira muri Kamena 2027.

Sterling, ufite imyaka 27, yumvikanye na Chelsea ku byo izamuha mu cyumweru gishize kandi azasinya amasezerano y’imyaka 5 kuri Stamford Bridge ashobora kwyongeraho amezi 12.

Ikipe ya Chelsea yemeye kwishyura miliyoni 45 z’amapawundi kuri uyu mukinnyi w’umuhanga cyane ndetse byitezwe ko afata indege vuba akajya muri Amerika guhura na bagenzi be bashya.

Asezera abafana ba City,Sterling yagize ati "Nageze i Manchester ndi umusore w’imyaka 20, uyu munsi,mpavuye ndi umugabo.

Ndabashimira inkunga yanyu idashira. Byari ishema kwambara umwenda wa Manchester City."

Raheem Sterling niwe mukinnyi umaze gukina imikino myinshi,mu batojwe na Pep Guardiola aho yaakinnye imikino 292 kuri 219 ya Lionel Messi umukurikira.

Mu bakinnyi batojwe na Pep, Uretse Lionel Messi nta wundi mukinnyi wagize uruhare mu bitego byinshi uyu mutoza yatsinze kurusha Raheem Sterling kuko yakoze 66 kuri 80 bya Kizigenza Messi.

Ku rundi ruhande ikipe ya Leeds yemeje ko yamaze kumvikana na FC Barcelona ku igurwa rya Raphinha. Uyu Musore w’imyaka 25 arakorera ikizamini cy’ubuzima muri Espagne uyu munsi.

Ikipe ya FC Barcelona yemeye kwishyura miliyoni 57 z’amapawundi kuri uyu munya Brazil wari ugiye kugurwa na Chelsea akayanga.

Ikipe ya Arsenal na Chelsea zari zishaka kugura uyu mukinnyi muri iyi mpeshyi ariko zasanze yarerekeje umutima we I Camp Nou.

Bivugwa ko uyu musore w’imyaka 25 yemeye amasezerano y’imyaka 5 na Barca impapuro za nyuma zirasinywa.

Franck Kessie na Andreas Christensen nabo bategereje kwandikwa nkabakinnyi bashya ba Barca nyuma yo gusinyishwa k’ubuntu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yongeye gutombora ikipe y’Abarabu mu mikino ya CAF/AS Kigali izajya...

Ikipe ya APR FC yatomboye US Monastir yo muri Tuniziya, mu ijonjora...
9 August 2022 0

Manchester United ihangayikishijwe na nyina w’umukinnyi iri gushaka

Ikipe ya Manchester United igomba kubanza guhuza na nyina wa Adrien Rabiot...
9 August 2022 0

Myugariro wa Dortmund ushinjwa gukubita umugore we atwite amerewe...

Myugariro w’Umudage Nico Schulz arashinjwa gutera imigeri mu nda uwahoze ari...
9 August 2022 0

Hatangajwe ingengabihe y’uko imikino ya shampiyona izakinwa:APR vs Rayon...

FERWAFA yatangaje Ingengabihe ya shampiyona y’u Rwanda y’icyiciro cya mbere...
8 August 2022 0

Rwatubyaye yaciye amarenga ko ashobora kongera gukina mu Rwanda

Myugariro Rwatubyaye Abdul bivugwa ko yatandukanye n’ikipe ya FC Shkupi yo...
8 August 2022 0

Rayon Sports yatangaje ikipe bazahura ku munsi mukuru wayo

Nyuma yo gutsinda Yanga SC ku munsi wayo ibitego 2-0,ikipe ya Vipers yo...
8 August 2022 0