Ikipe ya Chelsea FC yasabye uruhushya rwo kuvugana na Enzo Maresca usanzwe atoza ikipe ya Leicester City ndetse yayizamuye mu cyiciro cya mbere.

Sponsored Ad

Uyu mutaliyani w’imyaka 44,niwe ufite amahirwe menshi yo gusimbura Mauricio Pochettino nyuma yo gufasha Leicester kuzamuka kandi akina umupira mwiza cyane.

Ikinyamakuru The Sun kiravuga ko Maresca ari hafi yo kuva muri Leicester n’ibiganiro hagati ye na Chelsea biri ku rwego rwo hejuru.

Todd Boehly na Clearlake bagomba kwishyura miliyoni 10 z’amapawundi yo kugura amasezerano yari afitanye na Leicester City.

Ayo mafaranga ntabwo yakanze Chelsea kuko Maresca ariwe bahisemo mbere ya Roberto De Zerbi na Thomas Frank wa Brentford.

Kieran McKenna nawe yari umwe mu bifuzwaga na Chelsea nyuma yo kuzamura mu cyiciro cya mbere Ipswich gusa baje kumuhamagara bamubwira ko atakiri mubo ishaka.

Kizigenza mu bijyanye n’amakuru y’isoko ry’igura n’igurisha,Fabrizio Romano,yavuze ko uyu mutoza azahabwa amasezerano y’imyaka itanu ishobora kongerwaho umwe.

Maresca yamaze kwemerera ikipe ya Chelsea kuyitoza,ubu hasigaye ko Leicester City na Chelsea bumvikana akayerekezamo.

Ku wa kabiri, Pochettino yavuye muri iyi kipe ku bwumvikane nyuma yo gusuzuma uko shampiyona yarangiye bakabona ntacyo yabagejejeho.

Uyu mutoza yahoze ari umwungiriza wa Pep Guardiola muri Manchester City mu myaka yashize.

Maresca yamaze kumvikana na Chelsea