Ikipe ya Chelsea yaciye agahigo mu mupira w’amaguru w’Abongereza itanga akayabo ka miliyoni 106 z’amapawundi igura umunya Argentina,uheruka kwegukana igikombe cy’isi, Enzo Fernandez.
Ku munsi wa nyuma w’isoko,ikipe ya Chelsea yishyuye amafaranga Benfica yasabaga kugira ngo irekure uriya mukinnyi birangira imuguze mu minota ya nyuma y’isoko.
Chelsea yari yarifuje Enzo kuva iri soko ryatangira ariko yarindiriye iminota ya nyuma ihita yishyura Benfica amafaranga yose asabwa yari mu masezerano (...)

Sponsored Ad

Ikipe ya Chelsea yaciye agahigo mu mupira w’amaguru w’Abongereza itanga akayabo ka miliyoni 106 z’amapawundi igura umunya Argentina,uheruka kwegukana igikombe cy’isi, Enzo Fernandez.

Ku munsi wa nyuma w’isoko,ikipe ya Chelsea yishyuye amafaranga Benfica yasabaga kugira ngo irekure uriya mukinnyi birangira imuguze mu minota ya nyuma y’isoko.

Chelsea yari yarifuje Enzo kuva iri soko ryatangira ariko yarindiriye iminota ya nyuma ihita yishyura Benfica amafaranga yose asabwa yari mu masezerano n’uyu mukinnyi,kugira ngo imurekure.

Uyu musore wakinaga hagati mu ikipe ya Benfica,abaye umukinnyi wa munani Chelsea isutseho amafaranga muri uku kwezi kwa mbere.

Nyiri Chelsea,Todd Boehly yakoze agahigo ko gutanga amafaranga menshi cyane mu isoko rimwe ku ikipe ya ruhago.

Igurwa rya Enzo ryakuyeho agahigo ka miliyoni 100 z’amapawundi, Manchester City yishyuye Aston Villa kuri Jack Grealish muri 2021.

Mu masoko yo kugura no kugurisha abakinnyi abiri ashize,Chelsea yashoye miliyoni 602 z’amapawundi ariko ubariyemo n’ayo izishyura nyuma bitewe nuko umukinnyi azitwara.

Enzo Fernandez w’imyaka 22,yakoreye ikizamini cy’ubuzima i Lisbon ku munsi w’ejo nyuma y’ibiganiro byamaze igihe kinini hagati y’impande zombi.

Uyu yasinye imyaka umunani n’igice bivuze ko amasezerano ye azarangira muri Kamena 2031.

Chelsea bizarangira imutanzeho miliyoni 110 z’amapawundi hiyongereyeho uko azitwara.Uyu musore amaze gutsinda ibitego 2 muri uyu mwaka w’imikino.

Igitangaje nuko Fernandez yari yaguzwe miliyoni 10 z’amapawundi gusa muri River Plate mu mpeshyi ishize.Bivuze ko mezi 6 gusa yungutse miliyoni zisaga 96 z’amapawundi.

Ikipe ya River Plate nayo ibyungukiyemo kuko irahita ihabwa izindi miliyoni 26.5 bitewe nuko amasezerano bagiranye na Benfica abivuga.

Mykhailo Mudryk, Benoit Badiashile, David Datro Fofana, Andrey Santos, Noni Madueke, Malo Gusto na Joao Felix watiwe bose hamwe batanzweho akayabo ka miliyoni 325.9 z’amapawundi habariwemo n’inyongera.

Aba biyongera ku bandi bakinnyi benshi cyane baguzwe mu mpeshyi ishize ku kayabo ka miliyoni 259.1 z’amapawundi.

Uyu musore arafata umwanya wa Jorginho werekeje muri Arsenal kuri miliyoni 12 z’amapawundi.