Bivugwa ko Chelsea iri gushaka uburyo yagura Karim Benzema cyangwa Roberto Firmino kugira ngo ikemure ibibazo bya ba rutahizamu ifite muri uyu mwaka w’imikino.

The Blues ishakira ibitego kuri Nicolas Jackson wagiye muri Afcon na Christopher Nkunku uhora mu mvune.

Cole Palmer ni we umaze gutsinda ibitego byinshi muri iyi kipe ariko afite ibitego icyenda mu marushanwa yose kugeza ubu harimo n’icy’intsinzi yatsinze Fulham ku wa gatandatu.

Ariko ubu, nk’uko ikinyamakuru The Telegraph kibitangaza ngo Chelsea irashaka intizanyo kuri ba rutahizamu babiri bo muri Arabiya Sawudite mu iri soko ryo muri Mutarama - nyuma y’amezi atandatu gusa bombi bimukiye mu burasirazuba bwo hagati.

Benzema w’imyaka 36, yatsinze ibitego 354 mu mikino 648 yakinnye mu myaka 14 yamaze muri Real Madrid.

Uyu mufaransa yatwaye ibikombe 25 i Bernabeu, harimo bitanu bya Champions League.

Ariko yavuye muri Los Blancos mu mpeshyi ishize yerekeza muri Arabiya Sawudite, asinyira Al-Ittihad ku buntu.

Benzema afite ibitego 15 mu mikino 24 amaze gukinira iyi kipe ye yo muri Arabiya Sawudite.

Hagati aho, Firmino, ntabwo yorohewe kuva yakwerekeza muri Arabiya Sawudite.

Uyu mukinyi w’imyaka 32 yahawe umushahara wa 300,000 by’amapawundi buri cyumweru,asinya amasezerano y’imyaka itatu muri Al-Ahli kugeza 2026 nyuma yo gusohoka muri Liverpool.

Amakuru aravuga ko bamwe mu bakinnyi n’abatoza baturutse i Burayi ngo bari kwicuza icyabajyanye muri Saudi Arabia.

Ubwitabire ku bibuga ntibushimishije muri shampiyona,kuko amakipe 11 abarirwa ku bafana ibihumbi (5,000 )nabwo ku mikino bakiriye mu rugo ndetse ngo hari naho batarenga 2,000.

Ikindi ngo ubuzima bwo muri iki gihugu buragoye cyane ko n’ihangana hariya ritari hejuru.

Benzema ari kwifuzwa na Chelsea