skol
Kigali

Chelsea na Villarreal zabaye ikipe za nyuma zageze muri 1/4 cya Champions League

Imyidagaduro   Yanditswe na: Dusingizimana Remy 17 March 2022

Kuri uyu wa gatatu, Chelsea yashyize ibibazo bo hanze y’ikibuga biyugarije kugira ngo ishake umwanya muri kimwe cya kane kirangiza muri Champions League ubwo yatsindiraga mu rugo Lille ibitego 2-1 byiyongera kuri 2-0 yayitsinze mu mukino ubanza biba 4-1.

Bitewe n’ingaruka z’ibihano leta y’Ubwongereza yafatiye nyir’ikipe akaba umuherwe w’Umurusiya Roman Abramovich, iyi kipe yo mu mujyi wa London yatangiye nabi igice cya mbere itsinzdwa igitego cya Burak Yilmaz kuri penaliti ku munota wa 38.

Lille yari yihaye amahirwe yo kugaruka mu mukino nyuma yo gutsindwa ibitego 2-0 mu mukino ubanza wabereye kuri Stamford Bridge mu kwezi gushize, ariko Christian Pulisic yaje kuyica intege yishyurira Chelsea igitego ku munota wa 45 w’umukino.

Mu gice cya kabiri,Chelsea yaje ishaka kwihaniza Lille iyitsinda igitego cya 2 cya kapiteni Azpilicueta ku munota wa 71.

Lille yatwaye gikombe cya Ligue 1 mu mwaka w’imikino ushize, yateye intambwe yo gusohoka muri Champions League nkuko byagendekeye Paris Saint-Germain mu cyumweru gishize.Ibi bivuze ko nta kipe y’Abafaransa izakina kimwe cya kane cy’irangiza.

Ku rundi ruhande,Chelsea yabaye ikipe ya gtatu ya Premier League yageze muri iki cyiciro nyuma ya Liverpool na Manchester City zabonye itike mu cyumweru gishize.

Umutoza Thomas Tuchel yari yashimangiye ko nta rwitwazo rushoboka ku ikipe ye nubwo The Blues isigaye mu gihirahiro nyuma y’uko umutungo wa Abramovich ufatiriwe, gusa Chelsea ikaba yemerewe gukomeza gukina kubera ko guverinoma y’Ubwongereza yayihaye uruhushya rwihariye.

Babujijwe kugurisha amatike kandi babwiwe ko badashobora gukoresha amafaranga arenga 20.000 ($ 26,300) ku giciro cy’ingendo zijya ku mukino wo hanze.

Ku rundi ruhande,Villarreal yatunguye bikomeye Juventus iyisanze mu rugo,iyitsinda ibitego 3-0 byose byinjiye guhera ku munota wa 78.

Igitego cya mbere cyabonetse kuri penaliti yatsinzwe na Gerrard Moreno hanyuma Pau Torres atsinda igitego cya 2 ku munota wa 85.Ku munota wa 90 Danjuma yatsinze igitego cya 3 nabwo kuri Penaliti.Mu mukino ubanza amakipe yombi yari yanganyije igitego 1-1.

Muri 1/4 cy’irushanwa rya UEFA Champions League,hahuriyemo amakipe 3 yo mu Bwongereza,3 yo muri Espagne n’iyo mu Budage na Portugal.

Amakipe yakomeje ni Bayern Munich,Benfica,Liverpool,Chelsea,Manchester City,Real Madrid,Villarreal na Atletico Madrid.

Tombola y’uko amakipe azahura muri ¼ ,izaba kuwa Gatanu, kuya 18 Werurwe 2022.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza mushya wa United yasubije abamubajije niba azakorana na Cristiano...

Umutoza mushya wa Manchester United,Erik ten Hag yatangaje ko yifuza cyane...
16 May 2022 0

Mutabazi Yves uheruka kugirira ikibazo UAE yabonye ikipe nshya

Umukinnyi w’ikipe y’igihugu ya Volleyball, Mutabazi Yves nyuma yo gutandukana...
16 May 2022 0

"Kugongana n’itegeko ntibigira umuntu umunyabyaha"-Akari ku mutima...

Umunyamakuru w’imikino ukundwa na benshi mu Rwanda ndetse wanabereye...
16 May 2022 0

Akayabo kinjiye ku mukino wa APR FC na Kiyovu Sports kamenyekanye

Kuwa Gatandatu tariki ya 16 Gicurasi 2022,ikipe ya Kiyovu Sports yabonye...
16 May 2022 0

Gisagara Volleyball Club yatsinzwe biyikura ku gikombe

Ikipe ya Gisagara Volleyball Club yasezerewe mu mikino Nyafurika ihuza...
16 May 2022 0

Kylian Mbappe wongeye gutorerwa kuba umukinnyi w’umwaka mu Bufaransa yavuze...

Rutahizamu Kylian Mbappe uri mu ba mbere ku isi,yaraye atorewe kuba...
16 May 2022 0