Ikipe ya Chelsea yatangaje ko Umwongereza,Graham Potter wari umutoza wa Brighton ariwe mutoza wayo mushya usimbura Tuchel yirukanye.
Graham Potter wagaragaje urwego rwo hejuru mu myaka ishize atoza Brighton,yasinye amasezerano y’imyaka 5.
Ibinyujije ku mbuga Nkoranyambaga zayo,Chelsea yagize iti "Ikipe ya Chelsea FC yishimiye kwakira Graham Potter nk’umutoza wacu mushya.Yadusinyiye amasezerano y’imyaka 5 yo kuzana umupira we w’amaguru wo ku rwego rwo hejuru hamwe n’udushya mu ikipe" (…)

Ikipe ya Chelsea yatangaje ko Umwongereza,Graham Potter wari umutoza wa Brighton ariwe mutoza wayo mushya usimbura Tuchel yirukanye.

Graham Potter wagaragaje urwego rwo hejuru mu myaka ishize atoza Brighton,yasinye amasezerano y’imyaka 5.

Ibinyujije ku mbuga Nkoranyambaga zayo,Chelsea yagize iti "Ikipe ya Chelsea FC yishimiye kwakira Graham Potter nk’umutoza wacu mushya.Yadusinyiye amasezerano y’imyaka 5 yo kuzana umupira we w’amaguru wo ku rwego rwo hejuru hamwe n’udushya mu ikipe"

Chelsea ivuga ko Potter ari umwe mu batoza bameze neza mu mupira w’amaguru, watangiriye urugendo rwe muri Suwede mbere yo kuzana impano ye mu mupira w’Ubwongereza mu myaka ine ishize.

Uyu mugabo w’imyaka 47 afite impamyabumenyi zo ku rwego rwo hejuru hanze ya siporo kandi yahuje inararibonye bwe n’uburyo bwo gushyira hamwe no gusatira cyane mu mupira w’amaguru.

Ibyo byagaragaye mu gihe amaze muri Brighton & Hove Albion, aho yayifashije kurangiza ku mwanya mwiza cyane itigeze igira mu mateka yayo mu mwaka w’imikino ushize.

Akimara kwerekeza kuri Stamford Bridge, Potter yagize ati: ’Nishimiye bidasanzwe kandi ntewe ishema no guhagararira Chelsea FC, iyi kipe y’umupira w’amaguru itangaje. Nejejwe cyane no gufatanya na ba nyiri ikipe ya Chelsea bashya kandi ntegereje cyane guhura no gukorana n’itsinda rishimishije ry’abakinnyi no guteza imbere ikipe n’umuco abafana bacu batangaje bashobora kwishimira.

Ndashaka kandi gushimira byimazeyo Brighton & Hove Albion kuba yarampaye aya mahirwe cyane cyane Tony Bloom n’abakinnyi bose, abakozi ndetse n’abafana bakomeje kunshyigikira mugihe namaze mu ikipe. ’

Potter yatangiye gutoza Brighton kuva muri 2019, ubu iyi kipe iri ku mwanya wa 4 muri Premier League aho irushwa amanota 2 gusa na Arsenal ya mbere.

Graham Potter watangiye shampiyona atsinda ibitego 2-1 Manchester United,agiye afite amanota 14 mu mikino 6 ya shampiyona imaze gukinwa.