Rutahizamu wa Chelsea,Pierre Emerick-Aubameyang yakuwe mu bakinnyi b’iyi kipe bagomba gukina imikino yo gukuranamo ya Champions League biramurakaza ahita yigira i Milan.
Uyu munya Gabon w’imyaka 33,yakuwe mu bakinnyi b’iyi kipe bagomba gukina muri 1/16 kugira ngo asimbuzwe abandi bakinnyi baguzwe akayabo mu kwezi kwa mbere.
Chelsea yakoze agahigo ishora akayabo ku isoko ryo mu kwezi kwa mbere igura abakinnyi bakiri bato bahenze umunani.
Icyakora,amategeko ya UEFA avuga ko iyi kipe (…)

Rutahizamu wa Chelsea,Pierre Emerick-Aubameyang yakuwe mu bakinnyi b’iyi kipe bagomba gukina imikino yo gukuranamo ya Champions League biramurakaza ahita yigira i Milan.

Uyu munya Gabon w’imyaka 33,yakuwe mu bakinnyi b’iyi kipe bagomba gukina muri 1/16 kugira ngo asimbuzwe abandi bakinnyi baguzwe akayabo mu kwezi kwa mbere.

Chelsea yakoze agahigo ishora akayabo ku isoko ryo mu kwezi kwa mbere igura abakinnyi bakiri bato bahenze umunani.

Icyakora,amategeko ya UEFA avuga ko iyi kipe yari yemerewe kongera batatu ku rutonde rw’ikipe izakoresha muri Champions League

Chelsea yashyizemo kizigenza yaguze miliyoni 107 z’amapawundi muri Benfica, Enzo Fernandez.

Uyu niwe mukinnyi uhenze kurusha abandi mu mateka y’Ubwongereza mu baguzwe bose.

Muri urwo rutonde kandi bashyizeho Mykhailo Mudryk na Joao Felix.

Bivuze ko abandi bakinnyi nka David Datro Fofana, Noni Madueke, Andrey Santos, Gabriel Slonina na Benoit Badiashile batabandikishije.

Kugenda kwa Jorginho muri Arsenal ku munsi wa nyuma kwabahaye umwanya umwe mu ikipe ndetse we na Aubameyang nibo bakuwemo bari mu ikipe y’abakinnyi 24 yakinnye amatsinda.

Mu gushyira umunyu mu gisebe,rutahizamu Aubameyang yavuye mu ikipe ya Chelsea yakinnye umukino wo kuri uyu wa Gatanu banganyijemo na Fulham 0-0,yigira i Milan kwitemberera.

Aho gushyigikira bagenzi be bari mu kibuga,Aubameyang yigiriye mu bihe byiza n’umuryango we mu Butaliyania.

Instead of heading to Stamford Bridge to watch the action, he jetted to Milan and has been pictured with his family in Italy.

Umuvandimwe wa Aubameyang witwa Willy,yashyize hanze ifoto ari kumwe n’uyu mukinnyi n’abana babo bari imbere ya Duomo di Milano yandikaho ngo "umuryango wanjye."

Aubameyang yageze muri Chelsea muri Nzeri umwaka ushize ariko yatsinze ibitego 3 mu mikino 9 yabanje mu kibuga atozwa n’umutoza Potter.