Rutahizamu wa Barcelona, ​​Pierre-Emerick Aubameyang arifuzwa cyane n’ikipe ya Chelsea ishaka kurekura Umudage Timo Werner.

Aubameyang yavuye muri Arsenal yerekeza muri iyi kipe ya LaLiga muri Mutarama uyu mwaka.

Ariko,uyu rutahizamu w’umunya Gabon ashobora kugaruka I London no muri Premier League.

Ibi byahishuwe n’inzobere mu kumenya isoko ryo kugura no kugurisha abakinnyi, Fabrizio Romano.

Romano yanditse ku rubuga rwa twitter ati: “Ubu Chelsea irimo gutekereza ko Pierre Emerick Aubameyang yayibera rutahizamu mushya. Ibiganiro byamaze gutangira ku ruhande rw’umukinnyi, kugeza ubu nta giciro FC Barcelona irahabwa.

Ni umwe mu mazina ari ku rutonde rwa Chelsea nyuma yo guhura na Sesko n’abandi bakinnyi."

Aubameyang ashobora gushimishwa no kwimukira muri Stamford Bridge nyuma yuko Barcelona izanye Robert Lewandowski imukuye muri Bayern Munich muri iyi mpeshyi.

Chelsea yaraye isinyishije umunya Espagne, Marc Cucurella imukuye muri Brighton.Iyi kipe yatangiye ibiganiro kuwa Mbere w’iki cyumweru ihanganye na Man City birangira yegukanye uyu musore.

Uyu musore yaguzwe akayabo ka miliyoni 52 z’amapawundi ndetse mu gitondo cyo kuri uyu wa kane araba ari London mu kizamini cy’ubuzima.Yasinye kugeza mu mwaka wa 2028.

Chelsea yamaze gusinyisha Marc Cucurella ukina inyuma kuri 2