skol
fortebet

Cristiano Ronaldo ashobora guhura na Real Madrid muri 1/4 cya UEFA Champions League [UKO TOMBOLA YAGENZE]

Yanditswe: Friday 10, Jul 2020

featured-image

Sponsored Ad

Uyu munsi habaye tombola ya 1/4 cya UEFA Champions League yarangiye amakipe y’ibigugu ashobora guhura aho izarokoka hagati ya Juventus/Lyon izahura n’izarokoka hagati ya Real Madrid/Manchester City.Ibi bivuze ko Cristiano Ronaldo ashobora guhura na Real Madrid yatwariyemo ibikombe 4 bya Champions League.

Sponsored Ad

Uko Tombola yabaye kuri uyu wa Gatanu yagenze:

1. Real Madrid (ESP) / Manchester City (ENG) vs Lyon (FRA) / Juventus (ITA)

2. Leipzig (GER) vs Atlético (ESP)

3. Napoli (ITA) / Barcelona (ESP) vs Chelsea (ENG) / Bayern München (GER)

4. Atalanta (ITA) vs Paris Saint-Germain (FRA)

Uko muri 1/2 imikino iteganyijwe:

Ikipe yatsinze muri 1/4 kuri nimero 1 izahura n’iyatsinze kuri nimero 3
Ikipe yatsinze muri 1/4 kuri nimero 2 izakura n’iyatsinze kuri nimero 4

Irushanwa rya UEFA Champions League rizagaruka muri Kanama ikinwa nk’igikombe cy’isi aho izakinwa mu minsi 12 gusa ndetse izakinirwa mu mujyi umwe gusa wa Lisbon kugeza ku mukino wa nyuma uteganyijwe kuwa 23 Kanama 2020.

UEFA yemeje ko imikino ya 1/16 yo kwishyura izakinwa kuwa 07 Kanama ibere ku bibuga yagombaga guhita iberaho gusa imikino ya ¼ kugeza ku mukino wa nyuma, izakinwa hagati ya 12 Kanama kugeza kuwa 23 z’uko kwezi yose ibere I Lisbon.

Umukino wa nyuma wa UEFA Champions League uzabera nawo uzabera i Lisbon muri Portugal ku kibuga cya Benfica cyitwa Estadio da Luz nkuko byagenze mu mwaka wa 2014.

Izindi mpinduka zabaye n’uko imikino ya ¼ na ½ hazajya hakinwa umukino 1 wo gukuranamo nta mukino wa 2 nkuko byari bisanzwe.

Imikino ya ½ izakinwa tariki ya 18 na 19 Kanama 2020,

Coronavirus yateye amakipe amwe yamaze kugera muri ¼ arimo :

RB Leipzig
Atalanta
Paris Saint-Germain
Atletico Madrid

UEFA Champions League izasubukurwa andi makipe ashaka itike ya ¼ arimo:

Juventus (0) vs (1) Lyon
Man City (2) vs (1) Real Madrid
Barcelona (1) vs (1) Napoli
Bayern Munich (3) vs (0) Chelsea

Iyi mikino izasubukurwa ikinwa nta bafana bari ku bibuga kubera icyorezo cya Coronavirus gikomeje koreka isi gusa UEFA yavuze ko Portugal ibyemeye bakwemererwa kwinjira mu ma stade.

UEFA Europa League nayo izasubukurwa hakinwa umukino umwe gusa yose izabera mu mijyi itandukanye mu Budage nka Cologne, Duisburg, Dusseldorf na Gelsenkirchen hagati ya tariki 10-12 Kanama 2020.Umukino wa nyuma uzabera I Cologne Kuwa 21 Kanama 2020.

Istanbul yagombaga kwakira umukino wa nyuma wa UEFA Champions League 2020 ariko byahindutse izakira uwa 2021 hanyuma St Petersburg yakire uwa 2022, Munich muri 2023 na Wembley muri 2024.

Byatangajwe ko amatsinda ya Champions League 2021-22 azatangira kuwa 20 Ukwakira 2020.

Portugal yatoranyijwe kwakira iyi mikino kubera aho iherereye ndetse no kuba nta kipe yayo ikiri mu irushanwa.

Umujyi wa Lisbon ukurura benshi ndetse ufite ibyangombwa byose byo kwakira ayo makipe cyo kimwe n’ibibuga bibiri biwurimo nka Estadio da Luz ya Benfica na stade ya Sporting Lisbon yitwa Estadio Jose Alvalade.

Ikindi kandi amabwiriza yose yo gukumira Coronavirus muri iki gihugu yakuweho muri uku kwezi kandi indege zitwara abagenzi zijya cyangwa zijya mu gihugu zizatangira kugenda kuwa 22 Kamena uyu mwaka.

Abashyitsi ntibizabasaba kujya mu kato nubwo andi mabwiriza yo kwirinda icyorezo azakomeza gushyirwaho.

Kuwa 13 Werurwe 2020 nibwo byemejwe ko amarushanwa arimo Premier League,UEFA Champions League na Europa League yahagaritswe kubera COVID-19 yari imereye nabi abakinnyi,abatoza n’abafana.





Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa