Cristiano Ronaldo n’umukunzi we Georgina Rodriguez bakoze igikorwa cyatunguye benshi ubwo bikuraga mu bakurikira ikipe ya Real Madrid ku rukuta rwayo rwa Twitter (Unfollow) nyuma yo gutandukana nayo mu buryo btanyuze benshi.

Sponsored Ad

Nyuma y’imyaka 9 akinira Real Madrid,Cristiano Ronaldo yahisemo kuyitera umugongo kubera gusuzugurwa na perezida wayo Florentino Perez wanze kumwongerera umushahara kandi yari yarabimwemereye mbere y’uko begukana igikombe cya UEFA Champions League mu mwaka wa 2017 cyabereye I Cardiff.

Cristiano Ronaldo yaretse gukurikira Real Madrid ku mbuga nkoranyambaga

Nyuma yo kugera mu ikipe ya Juventus,Cristiano Ronaldo yikuye mu bakurikirana Real Madrid kumbuga nkoranyambaga,byatumye benshi bemeza ko uyu musore yababajwe no kudahabwa agaciro n’ubuyobozi bwayo kandi mu myaka icyenda yayikiniye yarayitsindiye ibitego 450 mu mikino 438.

Nubwo Cristiano Ronaldo yikuye mu bakurikirana Real Madrid,aracyakurikira bamwe mu bakinnyi bayo,umutoza Zinedine Zidane na Carlo Ancelotti ndetse kuri ubu yatangiye gukurikira bamwe mu bakinnyi bashya bazakinana muri Juventus nka Mario Mandzukic,Giorgio Chiellini, Miralem Pjanic an’umutoza we Massimiliano Allegri.