skol
Kigali

Cristiano Ronaldo yabwiye amagambo akomeye abafana ba United nyuma yo kunyagirwa na Liverpool

Imyidagaduro   Yanditswe na: Dusingizimana Remy 25 October 2021

Umunyabigwi wa Manchester United,Cristiano Ronaldo yabwiye abafana ba Manchester United ko ’bakwiriye ibyiza,ibyiza cyane’ kuruta imikinire iteye isoni bagaragaje mu mukino banyagiwemo na Liverpool.


Ku cyumweru, iki cyamamare cyo muri Portugal cy’imyaka 36, hamwe na bagenzi be bakinana muri Red Devils batsinzwe 5-0 na mukeba wabo ukaze,Liverpool,ku kibuga Old Trafford.

Uku gutsindwa gukabije kwatumye umutoza Ole Gunnar Solskjaer ajya ku gitutu cyinshi cyane, nubwo we yanze kwegura ku kazi.

Bamwe mu bafana ba United bari bamaze kubona ko ikipe yabo iri hasi cyane mu gice cya mbere, bafashe umwanzuro wo kwitahira bava kuri Old Trafford cyane ko ikipe yabo yari imaze gutsindwa 4-0.

Mo Salah yongeyeho igitego cya gatanu cyari icye cya 3 muri uyu mukino,bituma abakinnyi ba United bajya mu cyunamo.

Kapiteni Harry Maguire yasabye imbabazi abafana ba United nyuma yo gukozwa isoni na Liverpool.

Noneho Ronaldo yifatanije na we ageza ubutumwa ku bafana ba United bababajwe no gutsindwa kuri ruriya rwego mu butumwa yanyujije kuri Instagram.

Yanditse ati: “Rimwe na rimwe gutsinda si byo turwanira gusa.

“Rimwe na rimwe ibyavuye mu mukinontabwo aba ari byo dushaka. Kandi ibi biri kuri twe, gusa kuri twe, kuko ntawundi wabishinja.

Abafana bacu, bongeye kuba beza mu kudushyigikira ubudahwema.

Bakwiriye ibyiza birenze ibi, byiza cyane, kandi ni twe tugomba kubitanga. Igihe kirageze! ”

Maguire yagize ati: "Turasaba imbabazi abafana, nta hantu na hamwe byari byiza bihagije kuri iyi kipe.

"Bagumanye natwe kugeza ku iherezo kandi turabishima ariko nk’ikipe tugomba gukora neza.

"Ndababaye cyane, twabahaye amahirwe menshi. Bari beza cyane mu gutsinda, twabonye amahirwe menshi ubwacu ariko ndi myugariro kandi gutsindwa ibitego bine mu gice cya mbere kuri Old Trafford nta cyiza na gito kiba gihari

"Nk’umukinnyi ndiyizi ubwanjye. Nzajya nireba ubwanjye n’imikinire yanjye ku giti cyanjye.

"Tugomba gufatanya, nta mpamvu yo gushinja undi ahubwo twisuzume ubwacu.

"Twirebe mu ndorerwamo nitujya mu rugo iri joro hanyuma dutekereze aho dushobora gukora neza.

"Gutsindwa na Liverpool mu mukino uwo ari wo wose w’umupira w’amaguru birababaza. Abo bahanganye, uburyo twatsinzwe umukino, gutsindwa ibitego 4-0 mu gice cya mbere imbere y’abafana bacu, nk’uko nabivuze ntabwo bihagije.

"Ndasaba imbabazi abafana, tugomba kwireba ubwacu ariko nanone tugakomeza kunga ubumwe."

Mohamed Salah wa Liverpool nyuma y’uyu mukino yagize ati: “Ndumva ari ibintu byiza cyane gutsinda ibitego 5-0 hano”.

Kuri Sky Sports, Jurgen Klopp wa Liverpool ati: " Ibi nari mbyiteze? Hoya.”

Bastian Schweinsteiger wakiniraga Man United ati: “Aka ni akaga ku bafana ba United n’ikipe ariko ntibije gutyo gusa. Ntabwo bitunguranye.”

Uyu ni undi munsi mubi cyane kuri Ole Gunnar Solskjaer, benshi ubu bari kwibaza kuri ejo hazaza he.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rihanna yagizwe intwari ya Barbados cyiyomoye ku mwamikazi Elizabeth wa...

Umuhanzikazi Robyn Fenty Rihanna, yagizwe intwari y’igihugu cye cya Barbados...
30 November 2021 0

Lionel Messi yegukanye Ballon d’Or ya 7 ahigitse Lewandowski

Umunya Argentine w’umunyabigwi mu mupira w’amaguru,Lionel Messi,ukinira...
29 November 2021 0

Umutoza mushya wa Manchester United yavuze amagambo akomeye ku bakinnyi...

Ikipe ya Manchester United yatangaje ku mugaragaro Ralf Rangnick nk’umutoza...
29 November 2021 0

Sergio Ramos yahaye igisubizo gitangaje uwamubajije niba yifuriza Messi...

Sergio Ramos ashobora kuba yarakaje bamwe mu bafana ba Real Madrid nyuma yo...
29 November 2021 0

"Dutegereje Berkane ko itubwira aho tuzakinira maze Abakinnyi bacu...

Umuyobozi w’ikipe y’ingabo z’igihugu Lt Gen Muganga Mubarakh yavuze ko...
29 November 2021 0

Amakuru avugwa kuri Ballon d’Or iratangwa mu ijoro ryo kuri uyu wa...

Kuri uyu wa mbere tariki ya 29 Ugushyingo 2021,kuri Theatre du Chatelet i...
29 November 2021 0