skol
fortebet

Cristiano Ronaldo yabwiye inkuru nziza abafana ba Manchester United

Yanditswe: Saturday 30, Jul 2022

featured-image

Sponsored Ad

Kuri uyu wa gatandatu, Manchester United irakina na Atletico Madrid mu mukino wa gicuti urabera mu mujyi wa Oslo, muri Norway,mu rwego rwo kwitegura gutangira shampiyona ya Premier League.
Iyi kipe yatangaje ko rutahizamu wabo ukomoka muri Portugal, Cristiano Ronaldo atari mu bakinnyi bakina uyu mukino.Abakinnyi bashya Christian Eriksen na Lisandro Martinez bari mu ikipe.
Ronaldo yaciye impaka avuga ko azakina ku cyumweru na Rayo Vallecano mu mukino wa gicuti.
Uyu mukinyi wimyaka 37 (...)

Sponsored Ad

Kuri uyu wa gatandatu, Manchester United irakina na Atletico Madrid mu mukino wa gicuti urabera mu mujyi wa Oslo, muri Norway,mu rwego rwo kwitegura gutangira shampiyona ya Premier League.

Iyi kipe yatangaje ko rutahizamu wabo ukomoka muri Portugal, Cristiano Ronaldo atari mu bakinnyi bakina uyu mukino.Abakinnyi bashya Christian Eriksen na Lisandro Martinez bari mu ikipe.

Ronaldo yaciye impaka avuga ko azakina ku cyumweru na Rayo Vallecano mu mukino wa gicuti.

Uyu mukinyi wimyaka 37 yabwiye ikipe ya Manchester United ko yifuza kuyivamo muri iyi mpeshyi ariko ntarabona aho yerekeza.

Amakuru avuga ko mu nama iheruka guhuza uyu rutahizamu n’umuhagarariye,Jorge Mendes ndetse n’abayobozi ba United,basabye United kuvuga igiciro bifuza kugira ngo imurekure agende.

Uyu mukinnyi biravugwa ko ashobora gusubira muri Sporting Lisbon cyangwa akerekeza muri Napoli.

Sporting na Napoli zombi ziri mu irushanwa rya UEFA Champions League itaha. Kuba United yarananiwe kubona itike ya Champions League muri uyu mwaka w’imikino,bivuze ko Ronaldo adashobora kongera ibitego bye muri Champions League, kandi abakinnyi bose bagabanyirijwe 25% by’umushahara bitewe no kubura iyo tike.

Ronaldo yagarutse muri Man Utd mu mpeshyi ishize avuye muri Juventus, ariko byavugwaga ko ashobora kwerekeza muri Atletico,Bayern Munich na Chelsea,ariko ayo makipe yose yaramwanze.

United izakina na Rayo Vallecano mu wundi mukino wa gicuti mbere y’uko ikina umukino wayo wa mbere wa Premier League na Brighton kuwa 7 Kanama 2022.

Ronaldo abinyujije kuri Instagram yavuze ko azagaragara mu mukino wa gicuti United izahuramo n’iyi kipe yo muri La Liga.Ati : "Ku cyumweru,umwami azakina."

Abakinnyi Manchester United irakoresha kuri Atletico Madrid

Abanyezamu: David De Gea, Tom Heaton, Matej Kovar.

Ba myugariro: Diogo Dalot, Ethan Laird, Victor Lindelof, Harry Maguire, Tyrell Malacia, Lisandro Martinez, Alex Telles.

Abo hagati: Christian Eriksen, Bruno Fernandes, Fred, James Garner, Scott McTominay, Facundo Pellistri, Donny van de Beek.

Ba rutahizamu: Anthony Elanga, Anthony Martial, Marcus Rashford, Jadon Sancho.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa