skol
Kigali

Cristiano Ronaldo yakoze amateka atarakorwa n’undi mukinnyi wese I Burayi

Imyidagaduro   Yanditswe na: Dusingizimana Remy 9 September 2020

Rutahizamu Cristiano Ronaldo wo mu gihugu cya Portugal,yaraye akoze agahigo ko kuba umukinnyi wa mbere ku mugabane w’I burayi utsindiye ikipe y’igihugu ibitego birenga 100 ndetse ubu ahanze amaso gukuraho agahigo ka Ali Daei ukomoka muri Iran ufite agahigo ko gutsindira igihugu cye ibitego byinshi aho yatsinze 109.


Cristiano Ronaldo yabaye umukinnyi wa Kabiri ku isi utsindiye igihugu cye ibitego birenga 100 ndetse ku mugabane w’I Burayi niwe wa mbere wabashije kubigeraho.

Ibi Cristiano Ronaldo yabigezeho ubwo yafashaga Portugal gutsinda Sweden ibitego 2-0 byose byatsinzwe nawe mu irushanwa rya UEFA Nations League.

Nimugoroba, Cristiano Ronaldo yaraye yujuje igitego cya 57 atsinze kuri coup franc cyabaye icya 10 muri Portugal.

Portugal ikomeje kwerekana ko iri mu nzira nziza yo kwisubiza igikombe cya UEFA Nations League nkuko yabigenje umwaka ushize ubwo yatsindaga ku mukino wa nyuma Ubuholandi igitego 1-0 cya Goncalo Guedes.

Muri ½ cy’irushanwa ry’umwaka ushize,Cristiano Ronaldo yatsindiye Portugal ibitego 3 wenyine ubwo batsindaga Ubusuwisi ibitego 3-1.

Cristiano Ronaldo yatsindiye Portugal igitego cya mbere ubwo yari afite imyaka 19 muri Euro 2004.

Ronaldo yakoze uduhigo twinshi muri Portugal kuko yakuye ku mwanya wa mbere Eusebio na Pauleta ku gutsindira ibitego byinshi Portugal ndetse abakuba kabiri.

Nubwo muri 2004 batsinzwe n’Ubugereki ku mukino wa nyuma wa Euro 2004,Cristiano Ronaldo yanze kuva muri Portugal nta gikombe ayihaye,ayifasha kwegukana Euro 2016 na UEFA Nations League muri 2019.

Ku giti cye,Ronaldo yatsinze ibitego bisaga 700 mu gihe amaze mu mupira w’amaguru no mu makipe yose yakiniye arimo Sporting CP, Manchester United, Real Madrid na Juventus. Ku giti cye amaze gutwara Ballon d’Or 5.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wa Manchester City yatsinze igitego se ahita apfa

Myugariro Nathan Ake wa Manchester City yatangaje ko igitego cye cya mbere...
18 September 2021 0

Umutoza Tuchel yakoze benshi ku mutima kubera ibyo yakoreye umukozi we wo...

Umutoza wa Chelsea,Thomas Tuchel,yakoze benshi ku mutima kubera igikorwa...
17 September 2021 0

Reece James ari guhigisha uruhindu abajura bateye urugo rwe bamwiba...

Myugariro wa Chelsea n’Ubwongereza,Reece James yashyize hanze amashusho...
17 September 2021 0

Abafana ba Leicester n’aba Napoli bakozanyijeho nyuma y’umukino...

Umukino wahuje Leicester na Napoli muri Europa League warangijwe n’intambara...
17 September 2021 0

Volleyball:Nigeria na Maroc zareze u Rwanda gukinisha Abanya Brazil...

Umukino w’ u Rwanda na Senegal mu gikombe cya Afurika cya Volleyball mu...
16 September 2021 0

Cristiano Ronaldo yimutse mu nzu y’akataraboneka yari atuyemo kubera urusaku...

Umunyabigwi muri ruhago,Cristiano Ronaldo n’umuryango we bimutse mu nzu...
16 September 2021 0