skol
Kigali

Cristiano Ronaldo yashimangiye ko ari umwami wa Champions League arokora United

Imyidagaduro   Yanditswe na: Dusingizimana Remy 21 October 2021

Umunyabigwi mu mupira w’amaguru,Cristiano Ronaldo,yongeye gushimangira ko ari umwami wa UEFA Champions League ubwo yafashaga ikipe ye ya Manchester United gutsinda Atalanta ibitego 3-2 mu mukino yari yabanje gutsindwa ibitego 2 mu gice cya mbere.


Atalanta y’umutoza Gian Piero Gasperini, yafunguye amazamu ku munota wa 15 ku gitego cyinjijwe na Mario Pasalić ku mupira wari uhinduwe na Davide Zappacosita.

Mu gihe Manchester United yashakaga kwishyura, ku munota wa 29, Atalanta yabonye koruneri yatewe na Koopmeiners, umupira ushyirwa mu izamu na Merih Demiral n’umutwe.

Manchester United yageze ku munota wa 53 yatsinzwe ibitego 2-0 ndetse iri ku mwanya wa nyuma mu itsinda F,ariko abakinnyi bayo bayobowe na Bruno Fernandes wakinnye umupira wo ku rwego rwo hejuru barayigarura.

Manchester United yasatiraga bikomeye kuva igice cya kabiri gitangiye, yabonye igitego cya mbere cyo kwishyura ku munota wa 52 cyinjijwe na Marcus Rashford nyuma yo gucomekerwa umupira na Bruno Fernandes.

Kwinjira mu kibuga kwa Paul Pogba, Edinson Cavani na Jadon Sancho kwahaye Manchester United gusatira, ibona igitego cya kabiri cyo kwishyura ku munota wa 74, cyinjijwe na Kapiteni wayo, Harry Maguire.

Nkuko amaze kubimenyereza abafana, Cristiano Ronaldo wakinaga umukino wa 300 muri Manchester United niwe watsinze igitego cyahesheje intsinzi United ku munota wa 81,yatsindishije umutwe ku mupira mwiza cyane yahawe na Luke Shaw.

Iki gitego cyo gucungura United cya Ronaldo,cyazamuye ikipe ya Solskjaer iyobora itsinda F gusa na Villarreal yatsinze Young Boys ibitego 4-1.

Nyuma y’umukino,Cristiano Ronaldo yanditse ku mbuga nkoranyambaga ati "Yego! Theatre of Dreams yahiye!Turacyahari! .Turi Manchester United kandi ntituzigera ducogora! Iyi ni Old Trafford!.

Uko yose yagenze kuri uyu wa Gatatu:

Itsinda E

FC Barcelone 1-0 Dynamo Kyiv
Benfica 0-4 Bayern Munich

Itsinda F

Manchester United 3-2 Atalanta
Young Boys 1-4 Villarreal

Itsinda G

FC Salzburg 3-1 Wolfsburg
Lille 0-0 Seville C.F

Itsinda H

Chelsea 4-0 Malmö
Zenit St Petersburg 0-1 Juventus



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Suarez yahishuye impamvu ikomeye iri gutuma Messi atitwara neza muri...

Rutahizamu wa Atletico Madrid,Luis Suarez yatangaje ko impamvu iri gutuma...
6 December 2021 0

Masudi Djuma yahaye igisubizo abafana ba Rayon Sports bamusabiye...

Umutoza wa Rayon Sports,Masudi Irambona Djuma,yabwiye abafana ba Rayon...
6 December 2021 0

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0

APR FC yasezerewe igeze ku muryango w’amatsinda ya CAF Confederations...

Ikipe ya APR FC yananiwe kugera mu matsinda ya CAF Champions League nyuma...
5 December 2021 0

Rayon Sports yongeye kuba insina ngufi imbere ya Kiyovu Sports

Ikipe ya Rayon Sports ikomeje kujya mu bihe bibi muri shampiyona y’u Rwanda...
5 December 2021 0

Cristiano Ronaldo na Luka Modric bagaragaje umukinnyi ukiri muto...

Ibyamamare muri ruhago,Cristiano Ronaldo na Luka Modric bombi batoye...
5 December 2021 0