Kapiteni w’ikipe y’igihugu ya Portugal, Cristiano Ronaldo yashyizeho agahigo gashya aba umurinnyi wa mbere ku isi utsinze ibitego 850 mu buzima bwe.

Sponsored Ad

Imikino ya shampiyona ya 2023-2024 ikomeje gukinwa mu bihugu bitandukanye mbere y’uko habaho akaruhuko k’Amakipe y’ibihugu.Ku munsi w’ejo ku wa Gatandatu muri Saudi Arabia ndetse no muri Espagne barakinaga.

Duhereye muri Saudi Arabia bageze ku munsi wa 5 wa shampiyona y’icyiciro cya mbere, ikipe ya Al Nassr ikinamo abakinnyi batandukanye bakomeye yari yakinnye na Al Hazim ndetse iza no kuyinyagira nabi cyane iyitsinda ibitego 5-1.

Muri ibi bitego bya Al Nassr, Cristiano Ronaldo yatsinzemo 1 ku munota wa 68 ndetse anatanga imipira 2 yavuyemo ibitego. Iki gitego yatsinze cyatumye ahita aba umukinnyi wa mbere mu mateka y’umupira w’amaguru ugejeje ibitego 850 mu buzima bwe.