skol
Kigali

Cristiano Ronaldo yavuze amagambo akomeye kuri United bituma abafana bamusabira ubukapiteni

Imyidagaduro   Yanditswe na: Dusingizimana Remy 14 January 2022

Umunyabigwi mu mupira w’amaguru n’ikipe ya Manchester United, Cristiano Ronaldo,yatangaje ko iyi kipe akinira yagombye kuba ihatanira igikombe cya Premier League kandi ko ikintu cyose kiri munsi y’umwanya wa gatatu muri iyi shampiyona azakibara nko gutsindwa uyu mwaka w’imikino nurangira.

Uyu munyabigwi wa United wabuze ku mukino baheruka gukina na Aston Villa,yabwiye Sky Sports ko atavuye muri Juventus aje guhatanira umwanya wa kane.

Yagize ati: ’Manchester United igomba gutwara shampiyona cyangwa kuba iya kabiri cyangwa iya gatatu.’

’Ntabwo mbona indi myanya kuri Manchester United mbabwije ukuri. Mu maso yanjye, ntabwo nemera ko imitekerereze yacu iri munsi yo kuza muri batatu ba mbere muri Premier League. ’

Ronaldo yari yizeye guhatanira igikombe nyuma yo kugaruka kuri Old Trafford mu mpeshyi ishize, ariko United iri inyuma Manchester City iyoboye shampiyona amanota 22 yose,ndetse iri ku mwanya wa karindwi muri shampiyona ubu.

Ole Gunnar Solskjaer yatsinzwe imikino itanu mu mikino irindwi yakinnye mbere yo kwirukanwa, byatumye umutoza w’agateganyo Ralf Rangnick amusimbura ku ntebe mu kwezi gushize.

Kuva ubwo, United yabonye amanota 13 kuri 18 yashobokaga, ariko Ronaldo umaze gutsinda ibitego 14 mu mikino 21 muri uyu mwaka w’imikino - yizeye ko ubu bagomba gukomeza guhatana kandi bakarangiza hejuru y’umwanya wa 4.

Ati "Sinshaka kuba hano turwanira kuba ku mwanya wa gatandatu cyangwa uwa karindwi cyangwa uwa gatanu, ndi hano kugerageza gutsinda, guhatana. Ndatekereza ko duhatana ariko tutaragera ku rwego rwiza ’.

’Inzira yo kwiyubaka ni ndende kandi ndizera ko niduhindura ibitekerezo, dushobora kugera ku bintu bikomeye.

Ronaldo kandi yemeje ko umutoza w’agateganyo Rangnick ari gukora akazi keza muri Premier League ariko akavuga ko uyu Mudage akeneye igihe cyo kubaka ibitekerezo bye no kunoza imikinire y’ikipe, nyuma y’aho uyu mugabo w’imyaka 63 abajijwe n’itangazamakuru ku bijyanye n’abakinnyi batishimye,hamwe n’imikinire ye.

Ronaldo yabwiye Sky Sports ati: ’Kuva yahagera ... yahinduye ibintu byinshi.’

’Ariko akeneye umwanya wo gushyira ibitekerezo bye mu bakinnyi. Nizera ko azakora akazi keza. Turabizi ko tudakina neza ariko dufite imikino myinshi yo kunoza imikorere.

’Kuva yahagera ndatekereza ko mu ngingo zimwe na zimwe turi beza ... Ntabwo byoroshye guhindura imitekerereze y’abakinnyi n’uburyo bakina, umuco, imikinire nk’iyi."

Amagambo ya Ronaldo yashimishije abafana b’iyi kipe, bavuga ko bikwiriye gutuma Rangnick ahita amuha igitambaro cy’ubukapiteni nk’umusimbura wa Harry Maguire.

Umweyagize ati: "Iyi ni imitekerereze y’indashyikirwa ikenewe muri #MUFC. Urwambariro ruburamo abatsinze hamwe nabakinnyi bafite ubushake bwo gukora kugirango babe abatsinzi. Mumuhe Ubukapiteni. ’

Undi yagize ati: ’Cristiano Ronaldo agomba kuba kapiteni wa Manchester United..... kandi imitekerereze ye igomba kwinjizwa muri aba bakinnyi. ’

Undi mufana yagize ati "Muhite mumuha ubukapiteni."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kevin de Bruyne yashyize hanze abakinnyi 5 akunda barimo 3 bo muri Premier...

Umukinnyi wo hagati wa Manchester City Kevin De Bruyne yashyize ahagaragara...
24 January 2022 0

Tuniziya yitwaye nabi cyane mu matsinda ya AFCON2021 yasezereye Nigeria...

Ikipe ya Tunisia itahabwaga amahirwe na benshi mu bakunzi ba ruhago imbere...
24 January 2022 0

Rayon Sports yandagajwe bikomeye na Marines FC

Ikipe ya Marines FC yatsinze Rayon Sports ibitego 3-0 mu mukino w’umunsi wa...
23 January 2022 0

Mutabazi Yves washimishije Abanyarwanda muri Volleyball yaburiwe...

Mutabazi Yves ukinira Ikipe y’Igihugu ya Volleyball yaburiwe irengero muri...
23 January 2022 0

Sadio Mane na Mo Salah bazahurira muri kamarampaka zo gushaka itike ya...

Ishyirahamwe ry’umupira w’amaguru muri Afurika [CAF] ryshyize hanze uko...
22 January 2022 0

AS Kigali yahagamye APR FC iyitesha umwanya wa mbere wa shampiyona

APR FC yananiwe kuguma ku mwanya wa mbere wa shampiyona nyuma yo kunganya...
22 January 2022 0