Umunya-Esipanye Dani Olmo ukinira ikipe ya FC Barselona yagize imvune mu mukino ikipe ye yahuragamo na Girona , bituma ava mu bakinnyi bagomba gukina umukino wa UEFA Champions League Barca ifitanye na Monaco tariki 19 Nzeri 2024.

Sponsored Ad

Mu mukino w’umunsi wa gatanu wa shampiyona ya Esipanye, ikipe ya FC Barselona yatsinze Girona ibitego 4-1 , bituma igira amanota 15 , n’ibitego 13 izigamye .
Ku munota wa 47 Dani Olmo yaboneye ikipe ye igitego cya kane ku mupira yari ahawe na Jules Kounde.

Uyu mukinnyi Dani Olmo yaje gusohoka mu kibuga ku munota wa 61, aho yagize ikibazo cy’imvune , amakuru dukesha umunyamakuru w’Umutaliyani Fabrizio Romano , avuga ko Dani Olmo yakuwe mu bakinnyi bagomba kwerekeza mu Bufaransa gukina na Monaco muri UEFA Champions League ku bera imvune.

Ikipe ya FC Barselona yamaze gutangaza ko uyu mukinnyi azamara ibyumweru 4 cyangwa 5 , nyuma yo kugira imvune ku kuguru kwiburyo.

Dano Olmo ukina hagati mu kibuga akaba ashobora gukina no kuruhande , yageze muri FC Barselona avuye muri RB Lepzig yo mu Budage.