skol
Kigali

David de Gea byamurenze yemeza ko Manchester United yavumwe

Imyidagaduro   Yanditswe na: Dusingizimana Remy 12 February 2022

Umunyezamu wa Manchester United, David De Gea, yatangaje ko iyi kipe yavumwe nyuma y’uko begereye imyaka itanu nta gikombe na kimwe batwara.

Amashitani atukura ntabwo aratwara igikombe kuva mu mwaka w’imikino wa 2016-17 aho batwaye igikombe cya Carabao na Europa League batozwa na Jose Mourinho.

Byari byitezwe ko iyi kipe ya Ralf Rangnick izahatanira igikombe cya shampiyona muri uyu mwaka w’imikino, nyuma yo gusinyisha mu mpeshyi Cristiano Ronaldo, Raphael Varane na Jadon Sancho.

Ariko bari ku mwanya wa gatandatu kandi bafite ibyago byo kubura muri Champions League mu mwaka w’imikino utaha.

Basezerewe mu gikombe cya Carabao na West Ham mu cyiciro cya gatatu, naho Middlesbrough yabakuyemo mu gikombe cya FA mu cyiciro cya kane.

Nibaramuka badatwaye igikombe cya Champions League uyu mwaka, bazaba bamaze igihe kinini cyane badatwara igikombe ibintu byaherukaga muri 1974.

Kwitwara nabi kwa United kwatumye De Gea yumirwa,yemeza ko United ’idakora’ nk’ikipe.

Yatangarije ikinyamakuru cyo muri Espagne El Pais ati: "Ntekereza ko hari umuntu watuvumye cyangwa ikindi kintu.

Ukuri sinzi ibiri kuba, mu by’ukuri simbizi.

"Abantu bahora bambaza kandi tubiganiraho njye na bagenzi banjye kandi tuvuga tuti ’ntituzi ibibaye’.

"Twari dukwiye guhatanira ibikombe byinshi, amarushanwa manini, ariko sinzi impamvu iyi kipe idakora."

De Gea witwaye neza muri United muri uyu mwaka w’imikino kurusha abandi, amaze gukuramo imipira yakabaye ibitego 84 muri Premier League-84,arusha imipira 13 umunyezamu umuri hafi.

Ariko nubwo imibare ye ishimishije, De Gea yashimangiye ko atari ikintu cyiza kuko United yoroshye kuyitsinda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Yanga Africans yakiriwe n’ibihumbi by’abafana bayo bishimiraga igikombe...

Uyu munsi i Dar Es Salaam hari huzuye uruvunganzoka rw’abafana ba Yanga...
26 June 2022 0

Cristiano Ronaldo arifuzwa n’indi kipe ikomeye yo mu Bwongereza

Nk’uko amakuru abitangaza, umuherwe mushya wa Chelsea, Todd Boehly, yahuye...
26 June 2022 0

Phil Foden yashwanye n’umukunzi we ku mucanga bapfuye telefoni

Umukinnyi Phil Foden w’Ubwongereza byabaye ngombwa ko ava ku mucanga wa posh...
26 June 2022 0

Perezida wa Kiyovu Sports yahaye urw’amenyo ikipe byavugwaga ko ishaka...

Kuri uyu wa gatandatu tariki 25 Kamena 2022, ikipe ya Kiyovu Sports...
26 June 2022 0

Harry Maguire utarishimiwe n’abakunzi ba United yakoze ubukwe...

Harry Maguire yaraye akoze ubukwe bwakataraboneka n’umukunzi we wo kuva mu...
26 June 2022 0

Umukinnyi mushya wa Manchester City ashaka gukodesha inzu ya Paul...

Nk’uko amakuru abitangaza, umukinnyi mushya wa Manchester City, Erling...
25 June 2022 0