Mu rukerera rwo ku wa kabiri Taliki ya 11 Ukwakira 2017,nibwo habaye imikino ya nyuma muri Amerika y’amajyepfo (COMNBOL),aho ikipe ya Argentina yari yitezwe na benshi yatsindiraga Ecuador iwayo ibitego 3-1 byose byatsinzwe na Messi,amakuru ari kuvugwa ni uko ishyirahamwe ry’umupira w’amaguru muri Ecuador ryahagaritse abakinnyi 5 bivugwa ko baba barasohotse muri Hotel mu ijoro ribanziriza uyu mukino byatumye bitangira guhwihwiswa ko bariye ruswa y’ikipe ya Argentina.
Mu itangazo ryashyizwe (…)

Mu rukerera rwo ku wa kabiri Taliki ya 11 Ukwakira 2017,nibwo habaye imikino ya nyuma muri Amerika y’amajyepfo (COMNBOL),aho ikipe ya Argentina yari yitezwe na benshi yatsindiraga Ecuador iwayo ibitego 3-1 byose byatsinzwe na Messi,amakuru ari kuvugwa ni uko ishyirahamwe ry’umupira w’amaguru muri Ecuador ryahagaritse abakinnyi 5 bivugwa ko baba barasohotse muri Hotel mu ijoro ribanziriza uyu mukino byatumye bitangira guhwihwiswa ko bariye ruswa y’ikipe ya Argentina.

Mu itangazo ryashyizwe hanze na perezida wiri shyirahamwe Carlos Villacis,ryemeje aya makuru aho bavuga ko ijoro rimwe mbere y’umukino aba basore batavuzwe amazina, basohotse mu mwiherero batabwiye ubuyobozi aho benshi bahera bavuga ko baba bari bagiye kuvugana na Argentina.

Yagize ati “Nyuma y’ amakuru twahawe n’umutoza mukuru Jorge Celico, twafashe icyemezo cyo guhagarika burundu abakinnyi 5 bari mu ikipe y’igihugu.”

Ikipe ya Ecuador yatangiye neza imikino yo gushaka itike y’igikombe cy’isi aho yatsinze imikino 4 ibanza, gusa yitwara nabi mu mikino 14 yakurikiyeho byarumye irangiza ku mwanya wa 8 ndetse ntiyabasha kubona itike yo kwerekeza mu Burusiya umwaka utaha.