skol
fortebet

Eden Hazard na Casemiro banduye Covid-19 bishyira ahabi Real Madrid

Yanditswe: Saturday 07, Nov 2020

Sponsored Ad

Abakinnyi Eden Hazard na Casemiro ba Real Madrid babasanzemo coronavirus, bakaba ubu bagiye kwishyira mu kato.

Sponsored Ad

Rutahizamu w’Umubiligi Hazard w’imyaka 29 n’Umunya-Brazil Casemiro w’imyaka 28 ukina hagati mu kibuga, ntibagikinnye umukino w’ejo ku cyumweru uzabera kwa Valencia.

Mu itangazo ubuyobozi bwa Real bwasohoye, bwavuze ko aba bakinnyi ari bo bonyine bayo basanzemo Covid-19 nyuma yo gupima kwabaye ku wa gatanu.

Myugariro Eder Militao wa Real ukomoka muri Brazil, na we ntabwo azakina uwo mukino nyuma yuko bamusanzemo Covid-19 mu ntangiriro y’iki cyumweru.

Eden Hazard yanduye Covid-19, nyamara mu ntangiriro z’uku kwezi yatsinze igitego cye cya mbere,nyuma y’umwaka urenga wari ushize adatsinda.

Aha hari mu mukino Real Madrid yanyagiyemo Huesca ibitego 4 - 1 ijya ku mwanya wa mbere by’agateganyo muri shampiyona ya La Liga.

Uyu Mubiligi w’imyaka 29, ni we wafunguye amazamu ku munota wa 40 muri uwo mukino wabaye kuwa 31 Ukwakira 2020 ku ishoti rikomeye yateye n’ukuguru kw’imoso hanze gato yo mu rubuga rw’amahina.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa