Ku mugoroba wo kuri iki cyumweru tariki 18 Kanama 2024 nibwo ikipe ya Man City yatsindaga Chelsea 2-0, mu mukino w’umunsi wa mbere wa Shampiyona waya makipe yombi , umukino Mateo Kovacic yatsinzemo igitego cya Kabiri.

Sponsored Ad

Ni umukino warutegerejwe nabenshi dore ko aya makipe yombi mu mikino ibiri iheruka yabahuje ntakipe yabashije kubona intsinzi.
Chelsea y’Umutoza mushya Enzo Maresca ,yiganjemo abakinnyi bakiri bato yatangiye umukino igerageza gusatira izamu cyane ko yariri murugo ku cy’ibuga Stamford Bridge.
Pep Guadiola utoza Man City yari yahinduye abakinnyi bagera kuri Bane ndetse yaburaga umukinnyi Rodri wo hagati mu kibuga wamufashije muri Shampiyona ishize ,dore ko yagize imvune mu mikino ya Euro 2024.

Ku munota wa 18 w’umukino ikipe ya Man City yabonye igitego cyatsinzwe na Erling Haaland ku mupira yahawe na Bernado Silva , igice cya mbere cyirangira ari 1-0 .
Ku munota wa 84 , Mateo Kovacic wahoze muri Chelsea yaboneye Man City igitego cya kabiri afasha ikipe ya Man City kubana amanota atatu.

Nicolas Jackson rutahizamu wa Chelsea , yihanganishije abakunzi b’iyi kipe nyuma yo gutakaza murugo batsinzwe 2-0 na Man City.
Ku munsi wa kabiri wa Shampiyona ikipe ya Man City izakira Ipswich Town tariki 24 Kanama 2024 , mu gihe ikipe ya Chelsea izajya ku kibuga cya Wolvhamton Wanderers tariki 25 Kanama 2024.