Myugariro w’umunya Cote d’Ivoire,Eric Bailly, yashinje ikipe ye ya Manchester United gutonesha abakinnyi b’Abongereza bikabije.
Uyu mukinnyi wavuye kuri Old Trafford muri iyi mpeshyi agatizwa muri Marseille yavuze ko ikipe ye ya United itonesha abakinnyi b’Abongereza aho benshi bahise bumva ko yavuze kuri Harry Maguire wahawe umwanya cyane kandi ari ku rwego rwo hasi ku buryo bugaragarira buri wese.
Nk’uko ikinyamakuru The Times kibitangaza, Bailly yagize ati: "Ikipe igomba kwirinda (…)

Myugariro w’umunya Cote d’Ivoire,Eric Bailly, yashinje ikipe ye ya Manchester United gutonesha abakinnyi b’Abongereza bikabije.

Uyu mukinnyi wavuye kuri Old Trafford muri iyi mpeshyi agatizwa muri Marseille yavuze ko ikipe ye ya United itonesha abakinnyi b’Abongereza aho benshi bahise bumva ko yavuze kuri Harry Maguire wahawe umwanya cyane kandi ari ku rwego rwo hasi ku buryo bugaragarira buri wese.

Nk’uko ikinyamakuru The Times kibitangaza, Bailly yagize ati: "Ikipe igomba kwirinda gutonesha abakinnyi b’Abongereza kandi igaha buri wese amahirwe.

[Ikipe igomba] gushyira imbere guhatana mu rwambariro, ntirebe bamwe gusa. Nahoraga numva ko umukinnyi w’umwenegihugu ashyirwa imbere.

Ati: Ibyo ntibiba muri Chelsea cyangwa mu yandi makipe akomeye muri Premier League.Abantu bamwe bafatana uburemere buke kubanza mu kibuga,bigasubiza inyuma ikipe.

Ku bw’amahirwe [Erik] Ten Hag afite imyumvire yo guhatana kandi nizeye ko ashobora guhindura iyo myumvire. ”

Baillu aragaruka mu Bwongereza mu ijoro ryo kuri uyu wa gatatu yambaye imyenda y’iyi kipe ya Ligue 1.

Marseille izakina na Tottenham Hotspur mu mukino wabo wa mbere wo mu matsinda ya Champions League ya 2022/23.

Bailly asa n’uwatunze urutoki abakinnyi nka kapiteni w’ikipe Harry Maguire na Luke Shaw,bitwaye nabi cyane muri United nyuma ya Euro 2020.

Maguire na Shaw bari abakinnyi bahora muri 11 mu mwaka w’imikino ushize, ariko Erik Ten Hag yafashe icyemezo cy’ubutwari cyo kubakura bombi muri 11 babanza mu kibuga nyuma yo gutsindwa na Brentford ibitego 4-0.

Bailly yakinnye imikino 7 gusa mu marushanwa yose muri United mu mwaka w’imikino ushize kandi yemerewe kwerekeza muri Marseille ku ntizanyo nyuma yo kumenyesha iyi kipe mu mpeshyi ko ashaka kugenda.