Rutahizamu ukomoka muri Norway Erling Haaland yujuje ibitego 100 mu ikipe ya Man City mu mikino 105 akinira ikipe imwe.

Sponsored Ad

Ni mu mukino wabaga mu ijoro ryakeye tariki 22 Nzeri 2024 , ubwo ikipe ya Man City yanganyaga na Arsenal ibitego 2-2, ku kibuga Etihad.

Rutahizamu Erling Haaland yatsinze igitego cya mbere cya Man City ku munota wa 9 muri bibiri batsinze , yuzuza ibitego 100 mu mikino 105 , akaba abikoze mu ikipe imwe gusa , ibintu byakozwe na Crisitano Ronaldo ubwo yakinaga muri Real Madride.

Uyu mukino warangiye amakipe yombi anganyije ibitego 2-2 , nyuma y’uko ikipe ya Arsenal yabonye ikarita y’umutuku gusa iza kwirwanaho , ibasha kubona inota rimwe ku kibuga Etihad.

Rutahizamu Haaland yanyuze mu makipe atandukanye arimo ikipe ya Borusia Dortmond yo mu Budage , arinaho ikipe ya Man City yamukuye kuri Miliyoni 75 Z’amapawundi.

Yatwaranye igikombe na Man City cya Shampions league , ndetse na Shampiyona yabaye umukinnyi watsinze ibitego byinshi mu myaka ibiri yose iheruka ndetse akaba akomeje ku yobora bandi muri uyu mwaka n’ibitego 10.