skol
Kigali

Erling Haaland yakoze ibitangaza mu gusezera ku bo bakoranye muri Dortmund

Imyidagaduro   Yanditswe na: Dusingizimana Remy 21 May 2022

Rutahizamu Erling Haaland yashoye asaga ibihumbi 500 by’amapawundi mu kugurira impano y’amasaha ahenda ya Rolex abakinnyi bakinannye muri Borussia Dortmund ndetse n’abakozi b’iyi kipe yabaguriye amasaha ya OMEGA nk’impano yo gusezera.

Uyu munya Norveje w’imyaka 21 y’amavuko yamaze kwerekeza muri Manchester City nkuko byemejwe mu ntangiriro z’uku kwezi.

Nubwo yagiye,yatunguye bagenzi be bakinanaga abagurira amasaha ya Rolex buri wese kandi izi saha zihenda kubi kuko imwe igura ibihumbi 15 by’amayero n’ukuvuga miliyoni zikabakaba 15 FRW.

Haaland yasezeye ku bafana ba Dortmund muri wikendi ISHIZE ubwo yatsindaga igitego mu bitego 2-1 batsinze Hertha Berlin.

Nk’uko bivugwa na Bild, uyu mukinnyi yashyikirije ikipe yose impano y’amasaha ya Rolex hanyuma abakozi b’ikipe bagera kuri 20 abaha izindi saha zihenze zitwa OMEGA.

Bivugwa ko yaguze amasaha 33 ya Rolex ku bakinnyi bose,imwe igura amapawundi £12,730.

Hanyuma kandi yaguze byibuze andi masaha 20 ya OMEGA ku bakozi b’ikipe - imwe gifite agaciro k’amapawundi 4,128.

Muri rusange rero,uyu wari rutahizamu wa Dortmund yakoresheje akayabo k’ibihumbi 500,000 by’amapawundi ku mpano yahaye abakinnyi bari bagenzi be n’abatoza.

Haaland yiteguye guhita aba umukinnyi uhembwa menshi muri Manchester City namara kuyigeramo muri iyi mpeshyi.

Biteganijwe ko azajya yinjiza ibihumbi 375.000 by’amapawundi buri cyumweru nk’umushahara,anganye na Kevin de Bruyne.

Man City yashoboye gusinyisha Haaland nyuma yo kwishyura miliyoni 51 z’amapawundi muri Dortmund n’ukuvuga ko yagabanyijeho miliyoni 12 ugereranije n’ayagombaga gutangwa yari mu masezerano yo kumurekura.


Ngiyi isaha ya Rolex iri mu zihenze cyane ku isi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba abakinnyi 5 bahabwa amahirwe yo kwegukana Tour de France ihatse andi...

Kuri uyu wa gatanu,tariki ya 1 Ukwakira 2022 nibwo irushanwa rikundwa...
30 June 2022 0

"Baduhaye akazi gakomeye"-Adil Mohamed yakuriye ingofero ikipe ya Kiyovu...

Umutoza wa APR FC, Adil Mohammed Erradi,yatangaje ko yanyuzwe n’imyitwarire...
30 June 2022 0

"Nishimiye ko natanze Byose"-Umunyabigwi muri Basketball Aristinde Mugabe...

Abinyujije ku mbuga nkoranyambaga ze,Umunyabigwi muri Basketball y’u Rwanda,...
30 June 2022 0

Sunrise FC yegukanye Igikombe cya shampiyona y’icyiciro cya kabiri

Ikipe ya Sunrise FC yegukany Igikombe cya Shampiyona y’Icyiciro cya Kabiri...
29 June 2022 0

Umukinnyi wa PSG yatewe n’ibisambo bimwiba ibintu bifite agaciro k’asaga...

Polisi iri guhiga bukware abajura bivugwa ko binjiye mu nzu ya Marco...
29 June 2022 0

Biravugwa: APR FC yamaze kumvikana na myugariro wari uhetse Rayon...

Biravugwa ko APR FC yamaze gusinyisha myugariro Niyigena wakiniraga Rayon...
29 June 2022 0