Umunya Norway,ukinira,Manchester City, Erling Haaland,yatowe nk’umukinnyi mwiza kurusha abandi mu mwaka w’imikino wa 2023 nyuma yo gutsinda Lionel Messi na Kevin de Bruyne.

Uyu mukinnyi w’imyaka 23 abigezeho nyuma yo gutsinda ibitego 52 mu mikino 53 mu marushanwa yose mu mwaka w’imikino 2022/23.

Ibi byafashije ikipe ya Man City itozwa na Pep Guardiola kwegukana ibikombe bitatu birimo: Premier League, FA Cup na UEFA Champions League.

Haaland yarangije ayoboye abatsinda ibitego mu marushanwa abiri akomeye ku isi arimo iyi Champions League yatsinzemo ibitego 12 n’ibindi 36 yatsinze muri Premier League.

Umukinnyi mwiza mu bagore ni Aitana Bonmati ukinira FC Barcelona n’ikipe y’igihugu ya Espagne.

Mu batoza,uwahize abandi ni Pep Guardiola mu bagabo mu gihe mu bagore ari Sarina Weigman utoza ubwongereza.

Uko abakinnyi bakurikiranye mu bagabo:

1 Erling Haaland (Norway & Manchester City)
2 Lionel Messi (Argentina & Paris, Inter Miami)
3 Kevin De Bruyne (Belgium & Manchester City)
4 İlkay Gündoğan (Germany & Manchester City, Barcelona)
5 Rodri (Spain & Manchester City)
6 Kylian Mbappé (France & Paris)
7 Luka Modrić (Croatia & Real Madrid)
8 Marcelo Brozović (Croatia & Inter, Al Nassr)
9 Declan Rice (England & West Ham,Arsenal)
10 Alexis Mac Allister (Argentina & Brighton,Liverpool)
11 Jesús Navas (Spain & Sevilla)