Mu ijoro ryakeye ikipe ya Chelsea FC yaraye yegukanye igikombe cya UEFA CONFERRENCE LEAGUE itsinze ikipe ya Real betis ibitego 4-1, ni umukino wabereye kuri stade ya Wrocław Stadium ijyamo abantu ibihumbi 42 ikaba iherereye mu gihugu cya Polonye.

Sponsored Ad

Nyuma yuko ikipe ya Chelsea yegukanye iki gikombe abantu benshi mu bitekerezo byabo basigaye bibaza ngo ese iki gik0mbe Chelsea yatwaye gifite agaciro kangana iki? Ese ikipe icyegukanye ihembwa amafaranga angahe?

Mu busanzwe igikombe cya UEFA CONFERENCE LEAUGE cyashyizweho na UEFA guhera mu mwaka w’i2021 rikaba ari irushanwa rya gatatu rikomeye rihuza amakipe ahagarariye ibihugu byabo ku mugabane w’Iburayi.

Ikipe ya Chelsea Fc yaraye igitwaye itsinze Real Betis ibitego 4-1, usibye igikombe yahawe , Ikipe ya Chelsea yagenewe kandi ibahasha irimo miliyoni 7 zamayero nk’igihembo cyahawe ikipe yatwaye iki gikombe.

Dore uko ibihembo byatanzwe ku makipe yahataniye iki gikombe :

1. Iyatwaye igikombe yahawe Miliyoni 7 zamayero
2. Iyatsindiwe ku mukino wa nyuma yahawe Miliyoni 4 zamayero
3. Ikipe zageze mu mikino ya ½ zahawe buri imwe miliyoni ebyiri n’ibihumbi maganatanu bya mayero
4. Ikipe zageze mu mikino ya ¼ zahawe buri imwe miliyoni imwe n’ibihumbi maganatatu bya mayero

Amafaranga ikipe ya Chelsea yahawe ntabwo aricyo gikomeye ahubwo ni uko yabashije kwandika amateka mashya aho kuri ubu ariyo kipe ya mbere ku mugabane w’Iburayi yabashije gutwara ibikombe byose bihatanirwa ku mugabane w’Iburayi.

Ibi birimo : UEFA CHAMPIONS LEAGUE, UEFA EUROPA LEAUGE, UEFA CONFERENCE LEAUGE, UEFA SUPERCUP, Ndetse n’Igikombe cyisi cy’Amakipe.

UMUSOZO!