Ikipe ya Espoir FC yo mu karere ka Rusizi yamaze gusinyisha umusore John Semazzi imukuye mu ikipe ya Vipers ikina mu cyiciro cya mbere mu gihugu cya Uganda.
Uyu musore wari mu ikipe ya Uganda yitabiriye imikino ya CHAN yabereye hano mu Rwanda mu mwaka wa 2016, akaba yasinyiye ikipe ya Espoir FC yo mu karere ka Rusizi nkuko bitangazwa n’ubuyobozi bw’iyi kipe.
Mu kiganiro ikinyamakuru Ruhagoyacu dukesha iyi nkuru cyagiranye n’uhagarariye uyu musore Rurangirwa Louis yagitangarije ko yamaze (...)

Sponsored Ad

Ikipe ya Espoir FC yo mu karere ka Rusizi yamaze gusinyisha umusore John Semazzi imukuye mu ikipe ya Vipers ikina mu cyiciro cya mbere mu gihugu cya Uganda.

Uyu musore wari mu ikipe ya Uganda yitabiriye imikino ya CHAN yabereye hano mu Rwanda mu mwaka wa 2016, akaba yasinyiye ikipe ya Espoir FC yo mu karere ka Rusizi nkuko bitangazwa n’ubuyobozi bw’iyi kipe.

Mu kiganiro ikinyamakuru Ruhagoyacu dukesha iyi nkuru cyagiranye n’uhagarariye uyu musore Rurangirwa Louis yagitangarije ko yamaze gusinyira iyi kipe ndetse nyuma y’igeragezwa ry’iminsi 2 bahise bamushima.

Yagize ati “John ubu tuvugana yamaze gusinya amasezerano y’imyaka 2 mu ikipe ya Espoir FC, akaba yarishimiwe bikomeye n’ubuyobozi bw’ikipe ndetse n’umutoza. Yageze I Rusizi akora igeragezwa ry’iminsi 2, ariko nyuma y’imyitozo y’umunsi wa mbere, yaba abakinnyi n’umutoza bari bamaze gushima urwego ariho, ku buryo bahise bafata icyemezo cyo kumusinyisha."

Uyu mukinnyi yishimiwe kandi ni umutoza Ndizeye Jimmy wa Espoir FC aho ndetse yatangaje ko yizeye ko uyu rutahizamu aje gukemura ikibazo cya ba rutahizamu yari amaranye iminsi.