skol
Kigali

Euro 2020:Denmark yakoze ibitangaza igera muri 1/16 cy’irangiza mu gihe Ababiligi bakomeje umuvuduko

Imyidagaduro   Yanditswe na: Dusingizimana Remy 22 June 2021

Ikipe y’igihugu ya Danmark yafatwaga nk’iyasezerewe mu Itsinda B rya UEFA Euro 2020 kubera ko yatsinzwe imikino yayo 2 ibanza na Finland ndetse n’Ububiligi,yakoze ibitangaza inyagira Uburusiya ibitego 4-1 ihita yerekeza mu mikino ya 1/16 cy’irangiza.


Iyi kipe yatakaje umukinnyi igenderaho Christian Eriksen wagize ikibazo cy’umutima bikamuviramo kuva mu irushanwa,yabuze imbaraga zo kubyakira itsindwa na Finland igitego 1-0 hanyuma ku mukino wa kabiri ihura n’ikigugu,Ububiligi kiyitsinda ibitego 2-1 ariko ku mugoroba wo kuri uyu wa Mbere yakoze ibitangaza inyagira Uburusiya ibitego 4-1 ihita ikomeza ari iya kabiri n’amanota 3 yanganyaga n’Uburusiya na Finland ariko yazigamye ibitego byinshi.

Ibitego bya Denmark byatsinzwe na Mikkel Damsgaard, Yussuf Poulsen, Andreas Christensen na Joakim Maehle. Artem Dzyuba niwe watsindiye Abarusiya kuri penaliti.

Mu wundi mukino wo muri iri tsinda, u Bubiligi bwatsinze Finland ibitego 2-0,bukomeza buriyoboye n’amanota 9/9 ndetse bunemeza abakunzi ba ruhago.

Ububiligi bwabigezeho bubifashijwemo n’umunyezamu wa Finland, Lukas Hradecky, witsinze ku munota wa 74 mbere y’uko Romelu Lukaku atsinda igitego cya kabiri ku munota wa 81 nyuma y’ikindi cye bari banze.

Andi makipe yakinnye kuri uyu wa mbere akanabona itike harimo ikipe ya Autriche yabigezeho bwa mbere mu mateka yayo itsinze Ukraine igitego 1-0 mu gihe Ubuholandi bwari bwarazamutse kera bwanyagiye Macedonia 3-0.

Gutsinda k’u Bubiligi byatumye amakipe nk’u Bwongereza, Repubulika ya Tchèque, Suède n’u Bufaransa ashobora kurenga amatsinda nubwo yaba aya gatatu mu matsinda yayo kuko afite amanota ane.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0

Umwe mu bakinnyi ba Manchester United yanenze imitoreze ya Ole

Umukinnyi wo hagati,Paul Pogba,yashyize igitutu ku mutoza we, Ole Gunnar...
17 October 2021 0