skol
Kigali

Euro 2020: Portugal yari ifite igikombe yasezerewe rugikubita ijyana n’Ubuholandi

Imyidagaduro   Yanditswe na: Dusingizimana Remy 27 June 2021

Ikipe ya Portugal yatwaye Euro 2016 yasezerewe muri 1/16 cy’irushanwa ry’uyu mwaka n’Ububiligi itsinzwe igitego 1-0, mu gihe n’Ubuholandi bwasezerewe muri iki cyiciro na Czech Republic kuri iki cyumweru.


Ububiligi bwa Eden Hazard,Kevin de Bruyne na Lukaku bwagerageje kwihagararaho muri uyu mukino bwaruhijwe bigaragara na Portugal by’umwihariko mu gice cya kabiri.

Ububiligi bwabonye igitego kimwe rukumbi muri uyu mukino ku munota wa 42 gitsinzwe na Thorgan Hazard ku ishoti rikomeye yatereye inyuma y’urubuga rw’amahina umunyezamu Patricio ntiyawukuramo.

Igitego cya Thorgan Hazard cyagoye Portugal yakinnye igice cya kabiri cyose isatira izamu ry’Ububiligi ariko ba rutahizamu bayo ntibari batyaye bihagije.

Icyakora Portugal yabonye amahirwe akomeye arimo umupira wa Raphael Guerrero wakubise igiti cy’izamu,umutwe ukomeye wakuwemo na Thibaut Courtois gusa hari n’ishoti rya Cristiano Ronaldo umuzamu Courtois yakuyemo mu gice cya mbere.

Umutoza Santos yagerageje gusimbuza kare yinjiza mu kibuga abarimo Joao Felix,Bruno Fernandes na Andre Silva ariko ntacyo bamufashije.

Portugal yari ifite abafana benshi kubera Cristiano Ronaldo yatahiye rimwe n’ikindi gihangange mu mupira w’amaguru I Burayi,Ubuholandi bwasezerewe na Czech Republic butsinzwe ibitego 2-0.

Ubuholandi butigaragaje cyane mu gice cya mbere,bwahawe ikarita itukura ku munota wa 52 yahawe myugariro wayo Matthijs de Ligt nyuma y’aho rutahizamu Patrick Schick yari amucitse agaruza umupira amaboko.

Nyuma yo gusigara ari abakinnyi 10,Ubuholandi bwatsinzwe igitego cya mbere ku munota wa 68 gitsinzwe na Tomas Holes n’umutwe ku mupira yahawe na Tomas Kalas.

Ubuholandi bwahuye n’uruva gusenya ku munota wa 80 ubwo Patrik Schick yatsindiraga Czech Republic igitego cya kabiri.

Czech Republic izahura na Denmark muri ¼ cy’irangiza mu gihe Ububiligi buzahura n’Ubutaliyani muri iki cyiciro.



IBYAKOZWE N’INTUMWA EP17: Gen Laurent NKUNDA mu ntambara zitiriwe "Kurinda Abatutsi" ba Kongo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bakame yasinyiye Police FC yemeye kumuhemba umushahara utubutse

Umunyezamu w’umunyabigwi mu Rwanda,Ndayishimiye Eric uzwi nka Bakame yasinye...
18 October 2021 0

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0