Mu ijoro ryo kuri uyu wa Kane hakomeje imikino ya 1/16 cya EUropa League aho Manchester United yaherukaga gutsindwa ibitego 7-0 na Liverpool yatsinze Real Betis ibitego 4-1 mu gihe Arsenal yanganyije na Sporting CP ibitego 2-2.
Aho hari mu mikino ibanza aho benshi bari biteze uko aya makipe yo mu Bwongereza yitwara cyane ko ahabwa amahirwe menshi muri iri rushanwa ry’i Burayi.
Manchester United yatsinze igitego cya mbere ku munota wa gatandatu,gitsinzwe na Marcus Rashford ku kazi (…)

Mu ijoro ryo kuri uyu wa Kane hakomeje imikino ya 1/16 cya EUropa League aho Manchester United yaherukaga gutsindwa ibitego 7-0 na Liverpool yatsinze Real Betis ibitego 4-1 mu gihe Arsenal yanganyije na Sporting CP ibitego 2-2.

Aho hari mu mikino ibanza aho benshi bari biteze uko aya makipe yo mu Bwongereza yitwara cyane ko ahabwa amahirwe menshi muri iri rushanwa ry’i Burayi.

Manchester United yatsinze igitego cya mbere ku munota wa gatandatu,gitsinzwe na Marcus Rashford ku kazi gakomeye kakozwe na Bruno Fernandes washyize umupira mu rubuga rw’amahina,ba myugariro ba Betis bakawukuraho nabi.

Ku munota wa 32, Real Betis yishyuye igitego ibifashijwemo na Ayoze Pérez ku kazi gakomeye kakozwe na Juanmi wamuhaye umupira.

Amakipe yagiye kuruhuka anganya igitego 1-1 benshi batekereza ko Man United ishobora kugorwa n’uyu mukino.

Manchester United ikiva mu kiruhuko yahise ikora impinduka, ikuramo Diogo Dallot yinjizamo Aaron Wan Bissaka.

Iyi kipe yari imbere y’abakunzi bayo ku kibuga Old Trafford yagarutse mu gice cya kabiri iri hejuru,bituma ku munota wa 52 Anthony Santos atsinda igitego cya kabiri ku ishoti rikomeye yateye amaze kubona ko umunyezamu wa Real Betis, Claudio Bravo ahagaze nabi.

Bruno Fernandes wari hejuru muri uyu mukino, yatsindiye Manchester United igitego cya gatatu ku munota wa 58, cyaciye intege Real Betis.

Real Betis yacitse intege bituma Manchester United ibona igitego cya kane ku munota wa 83, gitsinzwe na Wout Weghorst ku mupira yahawe na Scott McTominay.

Manchester United yasoje umukino itsinze ibitego 4-1,biyiha amahirwe yo kuzakomeza nubwo hari umukino wo kwishyura kuwa Kane.

Mu wundi mukino,Arsenal yari yasuye Sporting CP muri Portugal kuri Estadio José Alvalade.

Muri uyu mukino, Arsenal ni yo yafunguye amazamu bwa mbere ku munota wa 22 ku gitego cyinjijwe na William Saliba,ku mupira yahawe na Fábio Vieira.

Ku munota wa 34, Sporting CP yishyuye iki gitego ibifashijwemo na Gonçalo Inácio ku mupira yahawe na Edwards.Amakipe yagiye mu karuhuko anganya igitego 1-1.

Ku munota wa 55, Sporting CP yatsinze Arsenal igitego cya kabiri cyinjijwe na José Paulinho ariko Arsenal icyishyura bidatinze ku munota wa 62 cyitsinzwe na Hidemasa Morita nyuma y’akazi kari gakozwe na Granit Xhaka.

Amakipe yombi yarangije umukino anganya ibitego 2-2 ndetse kuwa kane azesurana kuri Emirates mu mukino wo kwishyura.

Uko indi mikino ibanza yagenze:

Bayern Leverkusen 2-0 Ferencvárosi TC
AS Roma 2-0 Real Sociedad
Union Berlin 3-3 Union St. Giloise
Juventus 1-0 SC SC Freiburg
Sevilla 2-0 Fenerbahçe SK
FC Shakhtar Donetsk 1-1 Feyenoord