Kuri iki Cyumweru, ni bwo mu Bwongereza hamenyekanye uko amakipe azacakirana mu cyiciro cya Gatatu mu gikombe cya FA Cup. Umwe mu mikino ikomeye izaranga iki cyiciro, Arsenal izisobanura na Liverpool.

Mu yindi mikino izaba ikomeye mu Cyiciro cya Gatatu cya FA Cup, Newcastle United izesurana na Sunderland, mu mukino isigaye ari imbonekarimwe kubera ko Sunderland yamanutse mu byiciro byo hasi. Manchester City izakina na Huddersfield Town.

Manchester United itameze neza muri iyi minsi, izakina na Wigan Athletic iherutse iki gikombe muri 2013. Tottenham izakina na Burnley naho Everton ikine na Crystal Place.

Imikino y’icyiciro cya Gatatu muri FA Cup, izakinwa kuva ku itariki 5 kugeza ku itariki 8 Mutarama.