skol
Kigali

FERWAFA yahaye amabwiriza mashya amakipe kugira ngo shampiyona isubukurwe

Imyidagaduro   Yanditswe na: Dusingizimana Remy 4 January 2022

Ishyirahamwe ry’Umupira w’amaguru mu Rwanda [FERWAFA] yahaye amakipe amabwiriza avuguruye yakoze ku wa 3 Mutarama 2022, ariko ajya hanze kuri uyu wa Kabiri, tariki ya 4 Mutarama 2021.

Muri aya mabwiriza avuguruye yo ku wa 3 Mutarama 2022, FERWAFA yamenyesheje amakipe yose ko azasubukura amarushanwa abakinnyi baba hamwe mu mwiherero ndetse bazajya bapimwa ‘rapid test’ nibura buri masaha 48 ndetse no ku munsi w’umukino.

Ingingo yayo ya 2.3 igira iti “Kugira ngo ikipe yemererwe gusubukura imyitozo no kwitabira amarushanwa, irasabwa gushyira abagize ikipe mu mwiherero ikaba hamwe mu gihe cyose cy’amarushanwa. Ikipe izajya ibanza imenyeshe FERWAFA aho iteganya gukorera uwo mwiherero habanze hemezwe n’Akanama Gashinzwe Gukurikirana Ishyirwa mu bikorwa ry’aya mabwiriza hagamijwe kurebwa ko aho hantu hari ibikenewe byose mu kwirinda ikwirakwiza rya Covid-19."

Iyi ngingo ikomeza ivuga ko mbere yo kwinjira mu mwiherero, abagize ikipe bose babanza gukorerwa ikizamini cyo mu bwoko bwa PCR kandi kikishyurwa n’ikipe. Buri kipe yasabwe kuzirikana ko igihe cyose ibisubizo bya Covid-19 bitaraboneka, mu cyumba hagomba kuba harimo umuntu umwe kugeza igihe bibonekeye.

Indi ngingo yavuguruwe ni iya 2.4 ivuga ko "Amakipe afite inshingano zo gupimisha abakinnyi n’abagize ‘Staff techinique’ mu buryo bwa ‘Rapid test’ nibura buri masaha 48."

Ikomeza ivuga ko "Amakipe agomba kandi kujya apimisha abakinnyi na staff techinique hifashishijwe uburyo bwa ‘rapid test’ nibura inshuro ebyiri mu minsi irindwi mu gihe cy’ imyitozo cyangwa hari impamvu ituma amarushanwa aharagarara ariko amakipe agakomeza gahunda y’imyitozo."

Gushyira abakinnyi hamwe mu mwiherero byari byamaganiwe kure n’abayobozi b’amakipe mbere y’uko umwaka w’imikino wa 2021/22 utangira aho bagaragaje ko bituma bashora amafaranga menshi kandi batinjiza kubera ko abafana bakumiriwe ku kibuga.

Umukino uzajya usubikwa mu gihe 20% by’akinnyi bagize Ikipe.Icyakora ikipe ifite abakinnyi 16 barimo n’umunyezamu yemerewe gukina.

FERWAFA yagize iti "Igihe hagaragaye abarenze 20% by’abakinnyi b’ikipe imwe banduye COVID-19 ugendeye ku bipimo byafashwe ku munsi w‘ umukino, uwo mukino ushobora gusubikwa bigiweho inama n’abagize akanama gashinzwe gukurikirana ishyirwa mu bikorwa ry’amabwiriza ndetse n’ubunyamabanga bukuru bwa FERWAFA."

Mu gihe ikipe izaba ifite nibura abakinnyi 16 (barimo n‘umuzamu) batanduye Covid-19, ishobora gukina umukino wayo, ariko bikagenwa mu bushishozi bw‘Akanama gashinzwe gukurikirana ishyirwa mu bikorwa ry’aya mabwiriza, Komisiyo ishinzwe amarushanwa n’Ubunyamabanga bukuru bwa FERWAFA.

Kuri uyu wa Kabiri saa Kumi (16:00), FERWAFA iragirana inama n’amakipe y’Icyiciro cya Mbere n’icya Kabiri mu bagabo n’abagore kugira ngo higwe ku iyubahirizwa ry’aya mabwiriza yo kwirinda COVID-19.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard agiye kugaruka mu kazi ko gutoza vuba

Umutoza Frank Lampard w’imyaka 43 agiye kugaruka mu kazi mu minsi mike...
29 January 2022 0

APR FC yatsinze Police FC irangiza igice kibanza cya shampiyona...

Ikipe ya APR FC yakoze ibyari byitezwe na benshi itsinda Police FC ibitego...
28 January 2022 0

Umukunzi wa Cristiano Ronaldo yavuze akantu yamukoreye bagenzi be...

Umukunzi wa Cristiano Ronaldo, Georgina Rodriguez, yatangaje ko uyu...
28 January 2022 0

Avugwa mu mikino: Rayon Sports yasinyishije abandi bakinnyi 2 barimo...

Umurundi Kwizera Pierrot ukina hagati mu kibuga ubu ni umukinnyi w’ikipe ya...
28 January 2022 0

Douglas Luiz wifuzwa cyane na Arsenal ari mu rukundo n’umukobwa nawe ukinira...

Umukinnyi wo hagati wa Aston Villa, Douglas Luiz,abinyujije kuri Instagram...
28 January 2022 0

Abafana ba Gasogi United basabye KNC kwisubiraho akagarura Gasogi United...

Abafana ba Gasogi United basaga 26 bandikiye umuyobozi wayo Kakooza Nkuriza...
28 January 2022 0