Amakuru aravuga ko FERWAFA yamaze gukuraho imikino y’ibirarane yagombaga gukinwa n’amakipe y’ibigugu ya hano mu Rwanda, APR FC na Rayon Sports,yo kuwa 25 Ukwakira.

Iyi mikino y’ibirarane APR FC na Rayon Sports zari zifite ku wa 25 Ukwakira yakuweho mu rwego rwo kugira ngo zitegure neza Umunsi wa Cyenda wa Shampiyona zizahuraho ku wa 29 Ukwakira.

Amakuru dukesha Radio Rwanda aravuga ko FERWAFA yahisemo gukuraho umukino Rayon Sports yagombaga guhura na Police FC n’uwa APR na Sunrise FC kugira ngo Aya makipe yitegure kwesurana.

Ikipe y’Ingabo yari gukina na Sunrise FC i Nyagatare naho Gikundiro ikakirwa na Police FC i Nyamirambo.

Rayon Sports imaze imikino 3 yikurikiranya itsinda APR FC ndetse ikeneye kuyitsinda rimwe ibe iciye agahigo ko kuyitsinda imikino myinshi yikurikiranya.

Umukino uheruka guhuza Aya makipe ni uwa Super Cup, warangiye Rayon Sports inyagiye APR FC ibitego 3-0.

Urutonde rw’agateganyo rwa shampiyona:

1. Musanze FC 17 Pts
2. APR FC 17 Pts (-1)
3. Amagaju 13 Pts
4. Police FC 13 Pts (-1)
5. Rayon Sports 12 Pts (-1)